کوٹ سلطان ۔(صبح پاکستان)ضلع لیہ کی دھرتی کے معروف بزرگ پیر اکبر شاہ کا سالانہ تین روزہ عرس مبارک پیر جگی شریف میں اختتام پذیر ہو گیا۔ عرس کے آخری روز دربار عالیہ پیر اکبر شاہ پر
جمن شاہ ۔ محکمہ تعلیم پنجاب سکولز میں سمر کمیپ لگانے کی اجازت دے ۔ رانا قمر احسان
جمن شاہ(صبح پا کستان ) ضلع لیہ کے نجی تعلیمی اداروں کے مالکان نے محکمہ تعلیم حکومت پنجاب کے روبرو سرنڈر کر دیا،�آج سے نجی تعلیمی ادارے بند، مالکان نے پرائیویٹ اساتذہ ، معلمات کو چھٹیوں کی تنخواہوں کی ادائیگی نہ کرنے کااعلا ن کر دیا۔ تفصیل کے مطابق حکومت پنجا ب نے صوبہ بھر کے سرکاری و نجی تعلیمی اداروں میں تعطیلات کے نوٹیفکیشن کے کے برعکس ضلع لیہ میں پرائیویٹ تعلیمی اداروں نے سرکاری اعلان پر عمل دارمد کرنے سے انکار کر دیا، جس پر ایجوکیشن ڈی پارٹمنٹ لیہ نے کارروائی کرتے ہوئت 21تعلیمی اداروں کو قانونی نوٹس ارسال کر دیئے جس پر مزید کارروائی سے بچنے کے لئے ضلع لیہ کے نجی تعلیمی اداروں کے مالکان نے انفرادی و بقی طور پر سکولز بند کرنے کا اعلان کر دیا ہے جس کے تحت آج سے ضلع بھر کے تمام پرائیویٹ ادارے تدریسی سرگرمیاں معطل کر تے ہوئے چھٹیوں پر چلے گئے ہیں۔ تاہم اس بات کا انکشاف ہو ا ہے کہ نجی اداروں نے تین ماہ کی چھٹیوں میں طلبا و طالبات سے فیس وصول نہ کی جس پر تقریبا 10ہزار سے زائداساتذہ و معلمات کو تنخواہوں کی ادائیگی سے انکار کر دیا ہے ۔ پرائیوایٹ اساتذہ نے محکمہ تعلیم پنجاب سے سکولز میں سمر کمیپ لگانے کی اجازت دینے کا مطالبہ کیا ہے۔ ضلعی سیکرٹری اطلاعات پرائیویٹ سکولز ایسوسی ایشن رانا قمر احسا ن نے کہاکہ صوبائی حکومت کے فیصلے کی روشنی میں تمام پرائیویٹ تعلیمی اداروں میں موسم گرما کی تعطیلات کر دی گئیں ہیں، اگر کوئی نجی ادارہ کھلا ہو ا پایا گیا ایسوسی ایشن اس کے خلاف ایکشن لے گی۔
کوٹ سلطان (صبح پاکستان ) غیر سرکاری ادارے نے اجتماعی زیادتی کیس کی متاثرہ کو مفت قانونی معاونت فراہم کرنے کا اعلان کر دیا۔ مسلم رورل سپورٹ پروگرام کے صدر وقار خان دستی، لیگل ایڈوائز فیاض خان دستی ایڈووکیٹ نے میڈیا سے گفتگو کرتے ہوئے کہا کہ کوٹ سلطان میں تیزاب گردی سے متاثرہ نابینا خاتون کے ساتھ اجتماعی زیادتی کیس کے واقعہ سے انسانیت شرما گئی ہے۔ انہوں نے بھر پور مذمت کر تے ہوئے متاثرہ خاتون کو مفت قانونی مدد فراہم کرنا کا بھی اعلان کیا۔
کوٹ سلطان (صبح پاکستان)مہر ایکسپریس میں کوٹ سلطان کے مسافرو ں کیلئے اضافی لوئر اے سی کی دوبوگیاں شامل کر دی گیں۔ ریلوے اسٹیشن کوٹ سلطان کے اسٹیشن ماسٹر فرخ عباس کھاکھی نے نمائندہ سے گفتگو کرتے ہوئے کہا کہ ریلوے میں دن بدن بہتری آرہی ہے جس کی واضح مثال ریل گاڑیوں کی باقاعدہ آمد کے ساتھ ساتھ ریل گاڑیوں اور اسٹیشنوں پر سہولیات بھی بہتر بنائی جارہی ہیں۔ انہوں نے کہاکہ کوٹ سلطان کے مسافروں کے لئے مہر ایکسپریس میں لوئر اے سی کی دو بوگیاں لگا دی گئیں ہیں جس میں مسافر سفر کر سکتے ہیں۔
کوٹ سلطان (صبح پا کستان ) اسٹیٹ لائف انشورنس کارپوریشن نے جاں بحق ہونے والے پالیسی ہولڈ ر کی بیوہ کو تین لاکھ کا چیک اور بچوں کے لئے ماہانہ وظیفہ کے چیک حوالے کر دیئے۔ چاہ بھیلے والا بیٹ وساوا شمالی کے رہائشی فقیر محمد بھیلا جو اسٹیٹ لائف انشورنشن کارپوریشن کے پالیسی ہولڈ ر تھے کی وفات پر مرحوم کی بیوہ کو بیمہ کا چیک دینے کے لئے ایک تقریب کا انعقاد کیا گیا۔ تقریب سے خطاب کرتے ہوء ے سابق یونین ناظم بیٹ وساوا شمالی ڈاکٹر محمد اقبال خان دستی نے کہاکہ یتیم بچوں کی کفالت اور امدادا کے لئے اسٹیٹ لائف کا یہ کارنامہ بہت بڑا ہے۔ اسٹیٹ لائف کا پالیسی ہولڈ ر کسی بھی مشکل وقت میں اپنے پیاروں کو اکیلا نہیں چھوڑتا ۔تقریب میں فقیر محمد مرحوم کی بیوہ او ر بیٹے کو تین لاکھ روپے کا چیک اور بچوں کی تعلیم و دیگر اخراجات کے لئے ماہانہ کی بنیاد پر 37سو روپے وظیفہ کے چیک دیئے گئے۔ تقریب میں محمداسحق خا ن ، ایریا منیجر لیہ ملک محمد اسماعیل ، محمد عمر حیات سیلز منیجر زمحمد آصف خان،محمد رمضان ، ریاض احمد جام ، کونسلر محمد اکرم خان دستی نے شرکت کی۔
رپورٹ ۔ مہر زاہد سرفراز واندر پریس رپورٹر
