ریسکیو 1122 لیہ کی جانب سے 10 محرم الحرام 1448 ہجری، مورخہ 26 جون 2026ء کے موقع پر ضلع بھر میں یومِ عاشور کے مجالس اور عزاداری کے جلوسوں کے پرامن اور محفوظ انعقاد کو یقینی بنانے کے لیے جامع ڈپلائمنٹ پلان کے تحت تمام تحصیلوں میں ریسکیو اہلکاروں، ایمبولینسز، ریسکیو پوسٹس، موٹربائیک سروس اور فائر و ریسکیو گاڑیوں کو تعینات کیا گیا ہے۔
ضلع لیہ میں آج 10 محرم الحرام کے موقع پر مجموعی طور پر 91 تقاریب منعقد ہوئیں، جن میں 58 مجالس اور 33 جلوس شامل تھے۔
تحصیل لیہ: کل 45 تقاریب (35 مجالس، 10 جلوس)
ریسکیو 1122 کے 120 اہلکار، 35 ریسکیو پوسٹس، 10 ایمبولینسز، 26 موٹربائیکس، 3 فائر وہیکلز اور 1 ریسکیو وہیکل ڈیوٹی پر مامور رہے۔
تحصیل کروڑ لعل عیسن: کل 13 تقاریب (5 مجالس، 8 جلوس)
ریسکیو 1122 کے 56 اہلکار، 10 ریسکیو پوسٹس، 6 ایمبولینسز، 8 موٹربائیکس اور 1 فائر وہیکل ڈیوٹی پر مامور رہے۔
تحصیل چوبارہ: کل 33 تقاریب (18 مجالس، 15 جلوس)
ریسکیو 1122 کے 51 اہلکار، 8 ریسکیو پوسٹس، 6 ایمبولینسز، 9 موٹربائیکس، 1 فائر وہیکل اور 1 ریسکیو وہیکل ڈیوٹی پر مامور رہے۔
ضلع بھر میں عزاداروں کی حفاظت اور بروقت طبی امداد کی فراہمی کے لیے مجموعی طور پر 227 ریسکیو اہلکار، 53 ریسکیو پوسٹس، 22 ایمبولینسز، 43 موٹربائیکس، 5 فائر وہیکلز اور 2 ریسکیو وہیکلز تعینات کیے گئے، جبکہ تمام میڈیکل ریسپانس ٹیمیں ہائی الرٹ رہیں۔
ریسکیو 1122 لیہ کی جانب سے تمام مجالس اور جلوسوں کی مسلسل مانیٹرنگ کی جا تی رہی ،تاکہ کسی بھی ہنگامی صورتحال میں فوری طبی امداد اور ریسکیو سروسز فراہم کی جا سکیں۔
ڈسٹرکٹ ایمرجنسی آفیسر ڈاکٹر سجاد احمد کی خصوصی ہدایات پر تمام تحصیل انچارجز فیلڈ میں موجود رہیں جبکہ ریسکیو کنٹرول روم سے تمام سرگرمیوں کی براہِ راست نگرانی کی جا تی رہی ۔ الحمدللہ تمام مجالس اور جلوس پرامن ماحول میں اختتام پذیر ہوئے اور کسی بھی ہنگامی صورتحال سے نمٹنے کے لیے ریسکیو 1122 کی تمام ٹیمیں مکمل طور پر الرٹ ر ہیں۔
