لیہ(صبح پا کستان)ای سی سی ای اساتذہ کی تین روزہ تربیتی ورکشاپس کا اختتام، جدید تدریسی مہارتوں پر عملی تربیت فراہم کی گئی۔ضلع لیہ میں پروگرام مانیٹرنگ اینڈ امپلیمنٹیشن یونٹ کے تعاون سے ای سی سی ای (ارلی چائلڈ ہڈ کیئر اینڈ ایجوکیشن) بیج 2 کی تین روزہ تربیتی ورکشاپس کامیابی سے مکمل ہو گئیں۔ تربیتی سیشنز گورنمنٹ ہائی سکول چوبارہ، گورنمنٹ گرلز ہائی سکول چوک اعظم، گورنمنٹ گرلز ماڈل ہائی سکول فتح پور، گورنمنٹ ہائی سکول ریلوے روڈ کروڑ، گورنمنٹ گرلز ہائی سکول کینال کالونی اور گورنمنٹ ایم سی ہائی سکول لیہ میں منعقد ہوئے۔ورکشاپس کے دوران ماسٹر ٹرینرز نے ای سی سی ای اساتذہ کو جدید تدریسی طریقوں، کلاس روم مینجمنٹ، تعلیمی سرگرمیوں اور بچوں کی دلچسپی بڑھانے سے متعلق مختلف عملی مشقوں اور سرگرمیوں کے ذریعے تربیت فراہم کی۔ڈسٹرکٹ ایجوکیشن آفیسر لیہ گلشیر نے اتوار کے روز مختلف تربیتی مراکز کا دورہ کیا اور سیشنز کا جائزہ لیا۔ انہوں نے ماسٹر ٹرینرز اور اساتذہ کی حاضری، تربیتی سرگرمیوں اور سیکھنے کے عمل کا مشاہدہ کیا۔ اس موقع پر اساتذہ کی جانب سے تربیتی پروگرام میں بھرپور دلچسپی اور فعال شرکت کا مظاہرہ کیا گیا۔ڈسٹرکٹ ایجوکیشن آفیسر گلشیر نے شرکاء سے خطاب کرتے ہوئے کہا کہ ابتدائی عمر کے بچوں کی تعلیم و تربیت مستقبل کی مضبوط بنیاد ہے۔ ای سی سی ای پروگرام کا مقصد بچوں کے لیے خوشگوار، دوستانہ اور سیکھنے کے لیے سازگار ماحول فراہم کرنا ہے تاکہ وہ تعلیم میں زیادہ دلچسپی لیں اور ان کی تخلیقی صلاحیتوں کو فروغ مل سکے۔ انہوں نے کہا کہ جدید تدریسی طریقہ کار کے استعمال سے نہ صرف تعلیمی معیار میں بہتری آتی ہے بلکہ سکولوں میں داخلوں اور طلبہ کی حاضری میں بھی اضافہ ہوتا ہے۔ورکشاپ کے اختتام پر نمایاں کارکردگی کا مظاہرہ کرنے والے اساتذہ میں سرٹیفیکیٹس اور انعامات تقسیم کیے گئے۔ شرکاء نے حکومت پنجاب اور محکمہ سکول ایجوکیشن کا شکریہ ادا کرتے ہوئے کہا کہ ایسے تربیتی پروگرام اساتذہ کی پیشہ ورانہ صلاحیتوں میں اضافے اور تعلیمی معیار کی بہتری میں اہم کردار ادا کرتے ہیں۔
نیلسن منڈیلا کی پوری زندگی صبر، استقامت اور جدوجہد کا روشن استعارہ ہے:مریم نواز شریف
لاہور {صبح پا کستان }وزیراعلیٰ پنجاب مریم نواز شریف نے نیلسن منڈیلا کے عالمی دن پراپنے پیغام میں کہاہے کہ...
Read moreDetails
