کمپیوٹر انجینئرنگ پروگرام کے لیے پی ای سی کا زیرو وزٹ یونیورسٹی آف لیہ کی تعلیمی استعداد پر اعتماد کا مظہر ہے ۔وائس چانسلر پروفیسر ڈاکٹر محمد زبیر ابو بکر

لیہ(صبح پا کستان)یونیورسٹی آف لیہ کی بڑی کامیابی، بی ایس کمپیوٹر انجینئرنگ پروگرام کے لیے پاکستان انجینئرنگ کونسل کا پہلا وزٹ مکمل۔وائس چانسلر پروفیسر ڈاکٹر محمد زبیر ابو بکر نے پاکستان انجینئرنگ کونسل کی ٹیم کا استقبال کیا۔تفصیل کے مطابق یونیورسٹی آف لیہ نے تعلیمی میدان میں ایک اہم سنگ میل عبور کرتے ہوئے بی ایس کمپیوٹر انجینئرنگ پروگرام کے لیے پاکستان انجینئرنگ کونسل (پی ای سی) کی ٹیم کا پہلا زیرو وزٹ کامیابی سے مکمل کر لیا۔ اس موقع پر وائس چانسلر پروفیسر ڈاکٹر محمد زبیر ابو بکر نے ٹیم کا استقبال کیا اور یونیورسٹی میں انجینئرنگ تعلیم کے فروغ کے لیے کیے گئے اقدامات سے آگاہ کیا۔پی ای سی کی ٹیم کی سربراہی انجینئر ڈاکٹر عثمان یونس نے کی جبکہ انجینئر فارقلیط بھی ٹیم کا حصہ تھے۔ ابتدائی اجلاس میں رجسٹرار ڈاکٹر عابد علی، ٹریژرار شعیب خان، کنٹرولر امتحانات راشد کلاسرہ، ڈائریکٹر او آر آئی سی ڈاکٹر ذیشان کھوکھر، ڈائریکٹر کیو ای سی ڈاکٹر اظہر عباس خان اور انچارج لائبریری ڈاکٹر طاہرہ عباس نے شرکت کی۔اجلاس کے دوران کمپیوٹر انجینئرنگ ڈیپارٹمنٹ کے فیکلٹی ممبران انجینئر ڈاکٹر محمد فہیم خلیل پراچہ، انجینئر رمیز فاروق، انجینئر محمد بلال میرانی ، انجینئر غلام قادر، انجینئر امجد ریاض اور انجینئر فاریہ ملک نے پروگرام کے نصاب، فیکلٹی، لیبارٹریز اور مستقبل کے منصوبوں کے حوالے سے تفصیلی بریفنگ دی۔بعد ازاں ٹیم نے یونیورسٹی کے انفراسٹرکچر، جدید کلاس رومز، کمپیوٹر انجینئرنگ لیبارٹریز، مرکزی لائبریری، فیکلٹی دفاتر اور دیگر تدریسی سہولیات کا تفصیلی جائزہ لیا اور دستیاب وسائل و انتظامات کا معائنہ کیا۔وائس چانسلر پروفیسر ڈاکٹر محمد زبیر ابو بکر نے اس موقع پر کہا کہ یونیورسٹی آف لیہ معیاری اور جدید تقاضوں سے ہم آہنگ تعلیم کی فراہمی کے لیے مسلسل کوشاں ہے بی ایس کمپیوٹر انجینئرنگ پروگرام کے لیے پی ای سی کا زیرو وزٹ یونیورسٹی کی تعلیمی ترقی اور ادارہ جاتی استعداد پر اعتماد کا مظہر ہے۔ انہوں نے کہا کہ اس پروگرام کی باقاعدہ منظوری سے خطے کے نوجوانوں کو انجینئرنگ تعلیم کے بہتر مواقع میسر آئیں گے اور مقامی سطح پر جدید تکنیکی افرادی قوت کی تیاری میں مدد ملے گی۔انہوں نے فیکلٹی، انتظامی افسران اور متعلقہ شعبہ جات کی کاوشوں کو سراہتے ہوئے اس کامیابی کو یونیورسٹی اور ضلع لیہ کے لیے ایک اہم پیش رفت قرار دیا۔