کوٹ سلطان ۔ تیزاب گردی کا شکار نابینا خاتون سے اجتماعی زیادتی ,مقد مہ درج ملزم گرفتار

تیزاب گردی کا شکار نابینا خاتون سے اجتماعی زیادتی اپ ڈیٹ  
یو نس مجھے عشر دینے کے بہانے گھر لے گیا جہاں تین لو گوں نے مجھ سے اجتماعی زیادتی کی ۔ زرینہ بی بی
پو لیس نے مقد مہ درج کرکے ایک ملزم گرفتار کر لیا ، باقی نامزد ملزمان بھی بہت جلد گرفتار کر لئے جائیں گے ، شاہد رضوان ایس ایچ او
کوٹ سلطان (صبح پا کستان) تیزاب سے متاثرہ خاتون کے ساتھ اجتماعی زیادتی ،پولیس نے مقدمہ درج کر کے ایک شخص کو گرفتار کر لیا دیگر کی گرفتاری کے لیے چھاپے مارے جا رہے ہیں ،وزیر اعلیٰ نے واقعہ کا نوٹس لے لیا۔تفصیل کے مطابق 2002 میں زرینہ بی بی نامی عورت پر نذر دستی نے تیزاب پھینک دیا تھا جس کے باعث زرینہ بی بی کا چہرہ بالکل جل گیا تھا اور اس کی دونوں انکھیں ضائع ہو گئی تھیں گزشتہ روز زرینہ بی بی اپنی دوائی لینے ڈاکٹر ناصر کی کلینک پر آئی تو ڈاکٹر جمعہ نماز پر گیا ہوا تھا جس کے انتظار میں وہ بیٹھی تھی کہ وہاں پر محمد یونس ولد بشیر احمد لٹی آگیا اور اس نے کہا کہ ساتھ ہی میرا گھرہے مکان سے عشر کے مجھ سے تین ہزار روپے لے لو میں اس کے ساتھ چلی گئی اس نے اندر سے کمر ہ بند کر دیا جہاں پر محمد سلیم اور محمد خالد کو آواز دے کر بلایا اور میر ے ساتھ سب نے باری باری زنا حرام کیا میرے شور واویلا پر مسمی کالواور عبدالرشید وغیرہ موقع پر آ گئے جن کو دیکھ کر ملزمان جائے وقوعہ سے فرار ہو گئے پولیس نے متاثرہ خاتون کے بیان کے مطابق مقدمہ درج کر کے ملزمان کی گرفتاری کے لیے چھاپوں کا سلسلہ شروع کر دیا ہے ملزمان اہل خانہ سمیت فرار ہو چکے ہیں جبکہ ایک ملزم سلیم نے لیہ عدالت سے قبل از گرفتاری ضمانت کرا لی ہے اس سلسلہ میں ایس ایچ او شاہد رضوان نے بتایا ہے کہ ملزمان کو گرفتار کر لیا جائے گا جبکہ میڈیا پر خبر نشر ہونے پر وزیر اعلیٰ پنجاب نے واقعہ کا نوٹس لیتے ہوئے ڈی پی او لیہ سے رپورٹ طلب کر لی ہے اور ملزمان کو فوری گرفتار کر نے کی ہدایت کر دی ہے ۔
رپورٹ ۔ ملک فہیم منجوٹھہ پریس رپورٹر