لیہ ۔ ماڈل پولیس اسٹیشن کی کاروائی،منشیات فروش محمدطارق گرفتار

ماڈل پولیس اسٹیشن کی کاروائی،منشیات فروش محمدطارق گرفتار

لیہ(صبح پا کستان)ضلعی پولیس کی منشیات فروشی کیخلاف جدوجہدجاری،ماڈل پولیس اسٹیشن کی کاروائی،منشیات فروش محمدطارق گرفتار،2کلوسے زائد چرس برآمد،منشیات کی سپلائی کیلئے استعمال ہونے والا موٹرسائیکل بھی قبضہ پولیس۔تفصیلات کے مطابق ڈی پی او لیہ کیپٹن (ر)محمدعلی ضیاء کی ہدایات کی روشنی میں ضلعی پولیس کی منشیات فروشوں کیخلاف بھرپور جدوجہد جاری ہے جس کے نتیجے میں مختلف تھانہ جات پر بڑے پیمانے پر منشیات کی برآمدگی اور مقدمات کے اندراج کا سلسلہ جاری ہے گزشتہ روز بھی ماڈل پولیس اسٹیشن پر تعینات سب انسپکٹرمحمدشفیع نے کاروائی کرتے ہوئے پولیس ٹیم کے ہمراہ ریڈکرکے منشیات فروش محمدطارق کو گرفتارکرکے ملزم کے قبضہ سے 2کلو20گرام چرس برآمدکرکے ملزم کیخلاف 9-Cکے تحت مقدمہ نمبر232درج کرلیاجبکہ پولیس نے منشیات کی سپلائی کیلئے ملزم کے زیراستعمال موٹرسائیکل بھی قبضہ میں لے لیا شہریوں نے پولیس کی سماج دشمن عناصر کیخلاف جاری مُہم کو سراہاڈی پی او نے سب انسپکٹر محمدشفیع اورٹیم میں شامل دیگرملازمان کو تعریفی سرٹیفکیٹ اورانعام سے نوازنے کے احکامات جاری کئے۔