ای کامرس ود احد کالج سکینڈل ، طالبات کا جنسی استحصال کرنے والا گروہ بے نقاب ۔ ملزم گرفتار

لیہ {صبح پا کستان } ترجمان پولیس کے مطابق ای کامرس ود احد کالج سکینڈل ، طالبات کا جنسی استحصال کرنے والا گروہ بے نقاب ۔ ڈی پی او حسن جاوید بھٹی کا سخت نوٹس ، تھانہ سٹی پولیس نے ملزم مدثر کو گرفتارکر لیا ، مقدمہ درج گینگ ملزمان لڑکیوں کو ورغلا پھسلا کر غیر اخلاقی ویڈیوز بنا کر بلیک میل کرتے تھے ۔ گرفتارملزم مدثر کے مطابق طالبات کو نوکری، پرتعیش زندگی، شادی سمیت دیگر طریقوں سے لالچ دے کر پھنسایا جاتا ہے۔ گرفتار ملزم مدثر کے موبائل سے آڈیو ،ویڈیوز شواہد محفوظ کرکے موبائل فرانزک لیب بھجوایا جا رہا ہے ۔ ڈی پی او لیہ حسن جاوید بھتی نے کہا ہے کہ فرانزک لیب رپورٹ کی روشنی میں درست اور معیاری تفتیش عمل میں لائی جائے گی اورگینگ کے دیگر ملزمان کو بھی جلد قانون کے شکنجے میں لا یا جائے گا ۔ ملزمان کو سخت قانونی کارروائی کے ذریعے عدالت سے قرار واقعی سزا دلوائی جائے گی ۔ وزیراعلی پنجاب کے ویژن کے مطابق خواتین کے تحفظ کو ہر صورت یقینی بنایا جائے گا ۔