لیّہ , حکومت آنے والے وفاقی بجٹ میں لیّہ تونسہ پل کی رابطہ سڑکوں کی تعمیر کے لئےفنڈز مختص کرے ،انجم صحرائی

لیّہ (صبح پا کستان) سابق امیدوار قومی اسمبلی انجم صحرائی نے مطالبہ کیا ہے کہ آنے والے قومی بجٹ میں لیّہ تونسہ پل کی رابطہ سڑکوں کی تعمیر کے لئےفنڈز مختص کے جائیں تاکہ ایک عرصۂ سے زیر تکمیل ادھورا منصوبہ مکمل ہو اور عوام کے لئے آمد و رفت کی آسان سہولت مہیا ہو سکے .ایک اخباری بیان میں انہوں نے کہا کہ لیّہ تونسہ پل کا یہ زیر تکمیل ادھورا منصوبہ عشروں سے ارباب اختیار کی بے توجہی کا شکار ہے اس منصوبہ پر قومی خزانے کے اربوں کا خطیر بجٹ خرچ ہونے کے با وجود یہ نا مکمل منصوبہ روایتی سرخ فیتہ کا شکار ہے ..انجم صحرائی کا کہنا ہے کہ گزشتہ سال وفاقی وزیر علیم خان نے اپنے دورہ لیّہ کے موقع پر بہت جلد لیّہ تونسہ پل کی رابطہ سڑکوں کی تعمیر کا اعلان کیا تھا لیکن افسوس یہ وعدہ بھی ایفا نہ ہو سکا . انہوں نے مزید کہا کہ لیّہ تونسہ پل کے نام پر اے روز سیاست چمکائی جا رہی ہے لیکن یہ ادھورا منصوبہ علاقائی سیاست دانوں کی نا اہلی اور ناکامی کا منہ بولتا ثبوت ہے ..ابہوں نے لیّہ تونسہ پل کی تعمیر کے یک نکاتی ایجنڈے پر آل پارٹیز کانفرنس بلانے کا اعلان بھی کیا ..