لیہ ۔گزشتہ روز فائرنگ سے قتل ہونے والے نوجوان حسن کی نماز جنازہ ادا کر دی گئی ،نماز جنازہ میں ہزاروں افراد کی شرکت

لیہ {صبح پا کستان} انجمن تاجران کے سابق وصدر باروی گروپ کے سربراہ واحد بخش باروی ھانس کے پوتے اور دینی و روحانی اسکالر صاحبزادہ مفتی نعمان قادر مصطفائی ھانس کے کزن حاجی محمد اسمعیل ہانس کے جواں سال بیٹے محمد حسن ہانس جن کو گزشتہ روز گھر کے باہر محلہ ھانس کالونی لیہ میں دن دہاڑے اپنی ہی برادری کے دوستوں نے فائرنگ کرکے قتل کردیاتھا گزشتہ روز ان کی نماز جنازہ ادا کردی گئی نماز جنازہ میں ضلع لیہ کی معتبر ترین سیاسی ؛ دینی روحانی و سماجی شخصیات کے ساتھ ساتھ عوام نے بھی ہزاروں کی تعداد میں شرکت کی مرحوم کی قل خوانی مورخہ 4 فروری بروز بدھ بوقت 11 بجے مسجد لاثانی محلہ ھانسانوالہ لیہ شہر میں ادا کی جائے گی دوسری طرف قاتل ابھی تک مفرور ہیں پولیس کے چھاپے جاری ہیں ڈی پی او کے مطابق جلد قاتل قانون کی گرفت میں ہوں گے قانون کی پامالی پر عوام میں شدید بے چینی بھی پائی جا رہی ہے ضلع لیہ میں قانون و اَمن و امان کی صورت حال روز بروز ابتر ہوتی جارہی ہے۔ آئے روز معمولی باتوں پر قتل و غارت کا بازار گرم کیا جارہا ہے اور ناجائز اسلحہ کی بھرمار عام ہے۔ محلوں میں رات گئے نوجوان لڑکوں کی آوارہ گردی عروج پر ہے جس سے عوام کی زندگی خطرے میں پڑ گئی ہے۔ معزز شہری حلقوں کی طرف سے حکام بالا پر زور دیا جارہا ہے کہ وہ شہر میں امن کی بحالی کیلئے ہنگامی اقدامات کریں اور ناجائز اسلحہ رکھنے والوں کے خلاف شکنجہ سخت کریں۔ انتظامیہ سے خاموشی توڑ کر فوری کارروائی کا مطالبہ کیا جارہا ہے۔