لسی پینے سے ایک ہی خاندان کے 7افراد بے ہوش ، ہسپتال منتقل
چوبارہ ( صبح پا کستان ) چوبارہ کے نواحی اڈہ ہیڈ ویرڑی پر لسی پینے سے ایک ہی خاندان کے 7افراد بے ہوش ،ٹی ایچ کیو چوک اعظم منتقل ،حالت خطرے میں ۔تفصیل کے مطابق چوبارہ کے نواحی اڈہ ہیڈ ویرڑی پر لنڈی کھوہ کے رہائشی اسلم رانجھا کی بیوی شہناز بی بی اپنی بہنوں فضہ مائی ،سمیرا بی بی ،اپنے بچوں ذوالقرنین ،شبانہ بی بی ،شریفاں بی بی ،حسینہ بی بی کے ہمراہ خریداری کے لیے لنڈا بازار گئے ۔سہہ پہر پانچ بجے قریبی کھوکھے سے لسی پی ۔لسی پیتے ہی بے ہوش ہو گئے جنہیں فوری طور پر ٹی ایچ کیو ہسپتال چوک اعظم لایا گیا ۔جہاں پر ان کے معدے واش کر کے انہیں طبی امداد دی گئی ۔ڈاکٹر طارق مغل کے مطابق متاثرین کی حالت خطرے سے باہر ہے ۔تاہم انہیں ڈی ایچ کیو لیہ ریفر کیا جائے گا ۔پولیس کے مطابق کیبن کے مالکان محمد اکرم اور محمد افضل فرار ہو گئے ہیں
رپورٹ ۔ عمر شاکر پریس رپورٹر
