لیّہ پولیس ان ایکشن , 3 منشیات گرفتار , بڑی تعداد میں شراب اور پوست بر آمد

لیّہ (صبح پاکستان) وزیر اعلیٰ پنجاب اور آئی جی پنجاب کے ویژن پر عمل کرتے ہوئے معاشرے سے منشیات کے ناسور کو ختم کرنے کےلئے لیہ پولیس متحرک ،تھانہ صدر پولیس نے تین مختلف کاروائیا ں کرتے ہوئے تین منشیات فروش ملزمان گرفتار کرکے 30 لیٹر دیسی شراب ،40 کپی شراب اور 10 کلو گرام پوست برآمد کر لی ، ملزمان کے خلاف الگ الگ مقدمات کا اندراج کر لیا گیا ،ایس ایچ او محمد ہشام کی زیر نگرانی اے ایس آئی تنصر حمید ،اے ایس آئی ظفر اقبال اور اے ایس آئی حفیظ اللہ نے پولیس ٹیم کے ہمراہ الگ الگ کاروائی عمل میں لاتے ہوئے منشیات فروش ملزمان غلام یٰسین ،شہباز اور محبوب بابر کو گرفتار کر لیا ،منشیات فروش غلام یٰسین سے 30 لیٹر دیسی شراب ،شہباز سے 10 کلو گرام پوست جبکہ محبوب بابر سے 40 کپی شراب کی برآمد کر لی گئی ،ایس ایچ او محمد ہشام کا کہنا ہے کہ منیشات کے خاتمہ تک چین سے نہیں بیٹھوں گا