ملتان ۔ ملتان سے تحریک انصاف کے مر کزی رہنماء سابق ممبر قومی اسمبلی عامر ڈوگر کو گرفتار کر لیا گیا ہے ،
ایک اخباری رپورٹ کے مطا بق پنجاب میں سرکاری و نجی اداروں پر حملوں، توڑ پھوڑ اور جلاؤ گھیراؤ میں ملوث 2250 سے زائد افراد کو گرفتار کر لیا گیا، پرتشدد کاروائیوں میں 150سے زائد پولیس افسران و اہلکار زخمی ہوئے۔
امن و امان کی صورتحال برقرار رکھنے کی کوشش کے دوران لاہور میں 63، فیصل آباد 26، گوجرانوالہ 13، راولپنڈی 29، اٹک 10، سیالکوٹ 5 اور میانوالی میں 6 پولیس افسران و اہلکار زخمی ہوئے، پولیس کی 72 جبکہ 8 نجی گاڑیوں کو نقصان پہنچایا گیا، لاہور میں 23، راولپنڈی 18، فیصل آباد 18، ملتان 8، سیالکوٹ 5، گوجرانوالہ 3، اٹک میں 1 پولیس گاڑی کو نقصان پہنچایا۔
آئی جی پنجاب ڈاکٹر عثمان انور نے گفتگو کرتے ہوئے کہا ہے کہ سرکاری و نجی املاک، پولیس ٹیموں پر حملوں، پر تشدد کارروائیوں میں ملوث شرپسند عناصر کسی رعایت کے مستحق نہیں، سی سی ٹی وی کیمروں، سوشل میڈیا، فوٹیجز کی مدد سے شرپسندوں کی گرفتاریاں عمل میں لائی جا رہی ہیں۔
