ہائی سپیڈ ڈیزل سمیت پٹرولیم مصنوعات کی قیمتوں میں کمی

اسلام آباد ۔ وفاقی حکومت نے آئندہ 15 روز کیلئے پٹرولیم مصنوعات کی قیمتوں میں کمی کا اعلان کردیا۔

وفاقی وزیر خزانہ اسحاق ڈار نے اعلان کیا کہ ہائی سپیڈ ڈیزل کی قیمت میں پانچ روپے کی کمی کی گئی ہے جس کے بعد نئی قیمت 288 روپے فی لیٹر ہوگی۔ مٹی کے تیل کی قیمت 10 روپے کمی کے بعد 176 روپے سات پیسے فی لیٹر جبکہ لائٹ ڈیزل کی قیمت میں بھی 10 روپے کی کمی گئی ہے۔ لائٹ ڈیزل کی نئی قیمت 164 روپے 68 پیسے فی لیٹر مقرر کی گئی ہے۔ اسحاق ڈار کے مطابق پٹرول پر اضافے کی تجویز تھی لیکن پٹرول کی فی لیٹر قیمت 282 روپے برقرار رہے گی۔ قیمتوں کا اطلاق یکم مئی رات 12 بجے سے 15 مئی تک ہوگا۔