پیپلز پارٹی نے پی ٹی آئی حکومت کے خلاف وائٹ پیپر جاری کر دیا

لاہور ۔ پیپلز پارٹی نے پی ٹی آئی حکومت کے خلاف وائٹ پیپر جاری کر دیا۔

وائٹ پیپر کے مطابق پاکستان دنیا کا چوتھا مہنگا ترین ملک بن گیا۔ افراط زر، پٹرول اور ڈالر کی قیمتوں میں غیر معمولی اضافہ مہنگائی کا باعث بنا۔ افراط زر ملک کی 70 سالہ تاریخ کی بلند ترین سطح پر پہنچ گیا۔ پی ٹی آئی کے دور حکومت میں بجلی کی قیمتوں میں 87 فیصد اور پٹرول کی قیمتوں میں 73 فیصد اضافہ ہوا۔

سٹیٹ بینک کے مطابق پاکستان میں گزشتہ ایک سال میں چینی سرمایہ میں 85 فید کمی آئی۔ پی ٹی آئی دور حکومت میں ملکی قرضوں میں 60 فیصد اضافہ ہوا۔ کورونا کے دوران 50 لاکھ لوگوں کو نوکریوں سے ہاتھ دھونا پڑا۔ تین سالوں میں زرعی پیدوار میں 4 فیصد کمی ہوئی۔ پی ٹی آئی دور حکومت میں ایک بھی ہسپتال نہیں بنایا گیا۔ خواتین کے حقوق کی خلاف ورزی کے حوالے سے پاکستان کا نمبر 167 میں سے 164 پر ہے۔