ملتان ۔حکومت نے ملکی معیشت کا بیڑہ غرق کر دیا،جمشید دستی

ملتان ۔ عوامی راج پارٹی کے سربراہ جمشید احمد دستی نے کہا ہے کہ حکومت سے عوام کو نجات دلائی جائے ایسا نہ ہو کہ قوم اسلام آباد کی طرف لانگ مارچ پر مجبور ہوجائے، ملکی معیشت کا بیڑہ غرق کرکے رکھ دیا گیا ہے اب بھی وقت ہے کہ دانشور، وکلاء، ڈاکٹر، تاجر، مزدور، کسان، خواتین، یوتھ سمیت تمام سنجیدہ طبقات عوام کے حقوق کے لئے سنجیدگی سے اپنا کردار ادا کریں ورنہ خونی انقلاب کا راستہ کوئی روک نہیں پائے گا۔ ان خیالات کا اظہار انہوں نے پارٹی رہنماؤں ڈاکٹر عبد الرشید شیخ، میاں اظفر علی سمرا، اذن علی، حسن سیف اللہ، کاشف خان دستی، ملک حسنین کالرو، لعل شاہ سے کی گئی ملاقات میں کیا۔