وزیراعلیٰ پنجاب کیلئے نئی بلٹ پروف گاڑی خریدنے کا فیصلہ

لاہور ۔ وزیراعلیٰ پنجاب سردار عثمان بزدار کے لئے نئی بلٹ پروف گاڑی خریدنے کا فیصلہ، نئی بلٹ پروف گاڑی کا تخمینہ تقریباً چار کروڑ روپے رکھا گیا ہے۔

زرائع ٹرانسپورٹ ونگ کے مطابق وزیراعلیٰ پنجاب کے لئے بلٹ پروف لینڈ کروزر خریدی جائے گی، محکمہ ایس اینڈ جی اے ڈی ٹرانسپورٹ کا کہنا ہے کہ پہلے وزیراعلیٰ پنجاب کے پاس جو بلٹ پروف گاڑیاں ہیں وہ کنورٹ کی گئیں تھیں۔

نئی بلٹ پروف گاڑی کی خریداری کی سمری صوبائی کابینہ اجلاس میں منظوری کے لئے لیکر جائیں گے، سیکیورٹی معاملات کو مد نظر رکھتے ہوئے نئی بلٹ پروف گاڑی وزیراعلیٰ کے لئے خریداری کا فیصلہ کیا گیا ہے۔ ترجمان پنجاب حکومت حسان خاور کا کہنا ہے کہ پنجاب کے پاس بلٹ پروف گاڑیاں ہیں بم پروف کوئی گاڑی موجود نہیں۔