آئی جی پنجاب انعام غنی نے کہا ہے کہ ڈیرہ غازی خان میں سی ٹی ڈی اور پولیس کےمشترکہ آپریشن میں بدنام زمانہ لادی گینگ کا سرغنہ خدا بخش لادی اپنے ساتھی سمیت مارا گیا ہے، اس گینگ کے خلاف آپریشن کی ہدایت وزیر اعظم اور وزیر اعلیٰ نے کی تھی۔
لاہورمیں پریس کانفرنس کرتے ہوئے آئی جی پنجاب نے کہا کہ لادی گینگ کےسرغنہ خدا بخش لادی نے کچھ عرصہ قبل ایک شخص کے ہاتھ پاؤں کاٹ کر بے دردی سے قتل کیاتھا ، اور اسکی ویڈیو وائرل کی تھی ۔
آئی جی کا کہناتھاکہ لادی گینگ اغواء برائے تاوان اوربھتہ خوری جیسی سنگین وارداتوں میں ملوث تھا، 10ماہ قبل اس گینگ کیخلاف آپریشن شروع کیا تو اس کے متعدد لوگ مارے گئے، انکے سہولت کاروں کو بھی پکڑا گیا۔
انہوں نے بتایا کہ وزیر اعظم اوروزیر اعلیٰ کا کہنا تھا کہ اس گینگ کے سرغنہ کو مارنا بہت ضروری ہے۔
