ڈیرہ غازی خان ( صبح پا کستان )پاکستان تحریک انصاف کی ایم پی اے ڈاکٹر شاہینہ کھوسہ نے کہا کہ ڈیرہ غازی خان بہت تیزی سے بدل رہا ہے عمران خان کے ویژن اور سردار عثمان بزدار کی قیادت میں ڈی جی خان میں انفراسٹرکچر ، تعلیم اور صحت کے میدان میں انقلاب برپا ہو رہا ہے وہ وزیر اعلیٰ پنجاب عثمان بزدار سے ملاقات کے بعد میڈیا سے گفتگو کر رہی تھیں
انہوں نے کہا کہ ہماری حکومت مہنگائی کنٹرول اور نیشنل کردار کے حوالے سے ملک گیر پروگرام پر کام کر رہی ہے صحت کارڈ ، کسان کارڈ ، کنسڑکشن ، انڈسٹری کا فروغ عوام کی زندگیوں میں آسانیاں لا رہا ہے ڈی جی خان کے لیے اربوں کے منصوبے اس علاقے کی محرومیوں کو ہمیشہ کے لیے ختم کر دیں گے ڈاکٹر شاہینہ نے مزید کہا کہ انشاء اللہ آئندہ بلدیاتی انتخابات میں اور جنرل الیکشن میں پی ٹی آئی واضح اکثریت سے کامیاب ہو کر ترقی اور خوشحالی کا اپنا سفر جاری رکھے گی اس موقع پر انکے ساتھ اسلم ، بزدار، کاشفہ الطاف ، فرحت بخاری ، وقار چانڈیہ ودیگر بھی موجود تھے
