لیہ ( صبح پا کستان )ماڈل تھانہ سٹی کی ماڈل کاروائی ،سلیمان صفدر گینگ کے 04خطر ناک ملزمان گرفتار،مسروقہ موٹرسائیکل ،مویشی ،موبائل و نقدی سمیت کل 1051200;47;-روپے مالیت کا مال مسروقہ برآمد، اسلحہ ناجائز کلاشنکوف ،رپیٹر ،پسٹل بھی برآمد،
شہریوں کو قیمتی مال متاع سے محروم کرنے والے مجرمان کو کیفر کردار تک پہنچا ئیں گے،ڈی ایس پی صدر،مدعیان میں موبائل و نقدی تقسیم ،شہریوں کاہار پہنا کر خراج تحسین ،ڈی پی او لیہ سید ندیم عباس کی ایس ایچ او کلیم اللہ ،;658373;عطامیراں سمیت پوری ٹیم کو شاباش ۔
تفصیلات کے مطابق ماڈل پولیس اسٹیشن سٹی نے جرائم پیشہ عناصر کے خلاف ماڈل کاروائی کرتے ہوئے سلیمان صفدر ڈکیت گینگ کے 04خطرناک ملزمان کو گرفتار کر لیا ،ڈی ایس پی صدر منور احمد بزدار نے پریس کانفرنس کے دوران بتلایا کہ اے ایس آئی عطا میراں نے پولیس ٹیم کے ہمراہ محنت اور جانفشانی سے کاروائی کرتے ہوئے ملزمان سلیمان صفدر ،محمد شعیب ،غلام محی الدین اور محمد ہارون کو گرفتار کر کے 02عدد مسروقہ موٹر سائیکل ،02عدد موبائل ،05عدد بکریاں و نقدی برآمد کی،کل 1051200;47;-روپے مالیت کا مال مسروقہ برآمد ہوا،جبکہ ملزمان کے قبضہ سے واردات میں استعما ل ہونے والے اسلحہ کلاشنکوف ،رپیٹر ،02پسٹل اور 24گولیاں بھی برآمد کر لیا گیا ،انہوں نے مزید کہا کہ لوگوں کو قیمتی مال و متاع سے محروم کرنے وا لے ملزمان کے خلاف سخت قانونی کاروائی عمل میں لا کر کیفر کردار تک پہنچائیں گے ،ملزمان چوری ،ڈکیتی کی متعدد وارداتوں میں ملوث ہیں جن کے خلاف درجنوں مقدما ت ٹریس کیے جا چکے ہیں ،ملزمان کی گرفتار ی سے شہریوں کو احساس تحفظ ملے گا ،ڈی ایس پی صدر نے برآمدہ مسروقہ موٹر سائیکل کی چابیاں ،موبائل اور نقدی اصل مالکان کے حوالے کیں ،شہریوں کی طرف سے شاندار کاروائی پر ایس ایچ او کلیم اللہ ،;658373;عطا میراں کو خراج تحسین پیش کیا گیا ،ہار پہنا ئے گئے جبکہ ڈی پی او لیہ سید ندیم عباس نے ایس ایچ او سٹی سمیت پوری ٹیم کو بہترین کاروائی کرنے پر شاباش دی اور تعریفی سرٹیفکیٹ و نقد انعام کا اعلان کیا ۔
