لاہور۔ مسلم لیگ ق کے سربراہ اور سابق وزیراعظم چودھری شجاعت حسین کو طبیعت میں بہتری پر سروسز ہسپتال سے ڈسچارج کردیاگیا۔
قبل ازیں صدرمملکت ڈاکٹر عارف علوی سروسز ہسپتال پہنچے جہاں ڈاکٹرعارف علوی نے چودھری شجاعت حسین کی عیادت کی ، صدر مملکت کاکہناتھاکہ چودھری شجاعت حسین سیاست میں ایک مقام رکھتے ہیں، ڈاکٹرز نے طبیعت بہتر ہونے پر چودھری شجاعت کو ہسپتال سے ڈسچارج کر دیا ،چودھری شجاعت سروسزہسپتال سے گھر کیلئے روانہ ہو گئے، واضح رہے کہ ق لیگ کے سربراہ چودھری شجاعت حسین کو پھیپھڑوں میں انفیکشن اور سانس لینے پر دشواری ہسپتال لایاگیاتھاجہاں وہ 11 روز زیرعلاج رہے ،ڈاکٹرز کی ٹیم نے مکمل معائنہ کے بعد چودھری شجاعت حسین کو گھرجانے کی اجازت دی۔
Source:
ڈیلی پاکستان آن لائن
