لیہ(صبح پا کستان)لیہ میں پنجاب بار کونسل کے امیدواروں کی انتخابی مہم عروج پر پہنچ گئی، امیدوار ممبر پنجاب بارکونسل لیہ سیٹ مرتضی ملیانی ایڈووکیٹ کے حق میں تقریب کا انعقاد کیا گیا، تقریب میں وکلا برادری نے مرتضی ملیانی کی حمایت کا اعلان کیابار روم لیہ میں منعقدہ تقریب سے خطاب کرتے ہوئے امیدوار پنجاب بار کونسل لیہ سیٹ مرتضی خان ملیانی نے کہا کہ پنجاب بار کا الیکشن صرف ممبر کا انتخاب نہیں کرتا بلکہ وکلا کے تحفظ اور ان کے حقوق کی جنگ کی ضمانت دیتا ہے، انہوں نے کہا کہ وکلا اپنے حقوق کے حصول کے لئے ان کا انتخاب کریں جس پر وہ پورا اتریں گے، اس موقع پر خطاب کرتے ہوئے جنرل سیکرٹری مسلم لیگ ن لائرز ونگ محمد اسلم منا ایڈووکیٹ، سابق جنرل سیکرٹری قاسم تنگوانی، سابق نائب صدر ڈی بی اے مہر اقبال واندر سمیت مختلف گروپوں نے اپنی مکمل حمایت کا اعلان کیا، منعقدہ تقریب میں جنرل سیکرٹری ڈسٹرکٹ بار ایسوسی ایشن ملک آصف کامران، سابق صدر بار ملک منظور حسین سمیت وکلا کی کثیر تعداد موجود تھی
