لیہ ۔ عالمی یوم مزدورکے حوالے سے تحریک انصاف لیبر ونگ کے زیر اہتمام تقریب

عالمی یوم مزدورکے حوالے سے تحریک انصاف لیبر ونگ کے زیر اہتمام تقریب
لیہ(صبح پا کستان) عالمی یوم مزدورکے حوالے سے تحریک انصاف لیبر ونگ کے زیر اہتمام تقریب کا انعقاد کیا گیا جس میں سابق ایم پی اے افتخار علی بابر خان کھتران نے خطاب کرتے ہوئے کہ عوامی ووٹوں سے بننے والی حکومتیں امر ا کے لئے مختلف مراعات اور اپنے کارروبار کو منافع بخش بنانے کے لئے پالیسیوں کا اعلان کرتی ہیں مگر مزدوروں کے لئے صرف تنخواہوں کا اعلان کیا جاتا ہے جو آج تک پورا نہیں ملا۔ انہوں نے کہاکہ حکومت صرف اعلانات تک محدود ہے آج بھی تپتی دھوپ پر دیہاڑی کرنے والے مزدور کے بچے تعلیم ، صحت سے دور ہیں۔ انہوں نے مطالبہ کیا کہ مزدوروں کو پوری تنخواہ دینے کے لئے اقدامات کئے جائیں۔ تقریب سے خطاب کرتے ہوئے ضلعی صدر پی ٹی آئی لیبر ونگ سید جان خان نے کہاکہ ہمار ا مزدور ملک کا سب سے مظلوم اور پسماندہ طبقہ ہے جس کے لئے کبھی بھی نہیں سوچا گیا۔ انہوں نے حکمرانوں سے مطالبہ کیا کہ ترقی کے سفر میں ہمیشہ آگے رہنے والے مزدور کی حالت زندگی بہتر بنانے کے لئے اقدامات کئے جائیں۔ تقریب سے اسد اثیر ہاشمی و دیگر نے بھی خطاب کیا۔