لیہ(صبح پا کستان) اسسٹنٹ کمشنر نیاز احمد مغل کی زیرصدارت تحصیل امن کمیٹی کا اجلاس منعقدہوا۔ اجلاس میں تحصیل امن کمیٹی کے اراکین و مختلف مکاتب فکرکے علماءکرام موجود تھے۔
اجلاس سے خطاب کرتے ہوئے اسسٹنٹ کمشنر نیاز احمد مغل نے کہا کہ چہلم حضرت امام حسین کے موقع پر فول پروف سکیورٹی مہیا کی جائے گی۔انہوں نے کہا کہ ضلع کو امن کا گہوراہ بنانے اور قانون کی بالادستی قائم کرنے میں امن کمیٹی اور دیگر ممبران کا کردار قابل تحسین ہے ۔نیاز احمدمغل نے مزیدکہا کہ سابقہ روایت کی طرح چہلم حضرت امام حسین کے موقع پر ضلع بھر میں امن وا مان کے قیام کیلئے تمام دستیاب وسائل بروئے کار لا ئے جائیں گے تا ہم امن و امان کی صورتحال کو برقرار رکھنے کے لیے امن کمیٹی کے ممبران اپنامثبت کردار ادا کریں۔اس موقع پر ممبران امن کمیٹی نے اپنی تجاویز پیش کیں اور اپنے بھرپورتعاو ن کا یقین دلایا
