لیّہ ( صبح پاکستان )ڈسٹرکٹ و تحصیل بار کونسلز کے وفود کی ڈ ی پی او آفس آمد ، ڈی پی او لیہ سید ندیم عباس سے ملاقات ،قانون کی عمل داری میں لیہ پولیس سے تعاون کی یقین دہانی ۔
تفصیلات کے مطابق ڈسٹرکٹ وتحصیل بار کونسلز کے وفود کی ڈی پی او لیہ سید ندیم عباس سے دفتر پولیس میں ملاقات ،وفد میں صدر ڈسٹرکٹ بار کونسل عبدالستار علوی،صدر تحصیل بار کروڑ رفاقت علی ٹیپو و دیگر اراکین شامل تھے ،وفد نے سید ندیم عباس کو لیہ تعینات ہونے پر مبارک باد دی اور ان کےلئے نیک خواہشات کا اظہار کرتے ہوئے کہا کہ لیہ پولیس ان کی قیادت میں بہترین کارکردگی کا مظاہر ہ کرتے ہوئے کامیابیوں کا سفر جاری رکھے گی، وکلاء کی جانب سے قانون کی عمل داری میں لیہ پولیس کے ساتھ تعاون اور قانونی رہنمائی کی یقینی دہانی کرائی گئی ،وفد کے اراکین نے لیہ پولیس کی کار کردگی کو سراہتے ہوئے کہا کہ قانون کی بالا دستی کو قائم رکھنے اور جرائم پر قابو پانے کےلئے لیہ پولیس کے اقدامات قابل ستائش ہیں ، امن کے قیام اور قانون شکن عناصر کے خلاف پولیس کو جہاں کہیں ضرورت پڑی، وکلا برادری لیہ پولیس کا بھر پور ساتھ دے گی۔
