ڈیرہ غازی خان۔حکومت کی جانب سے نتائج کی تاریخ کا تعین ہونے پراعلان کیا جائے گا۔کنٹرولر امتحانات حبیب الرحمن گاڈی

ڈیرہ غازی خان (صبح پا کستان) کنٹرولر امتحانات حبیب الرحمن گاڈی نے کہا ہے کہ ثانوی و اعلیٰ ثانوی تعلیمی بورڈ کے زیر انتظام لیے گئے انٹر میڈیٹ پارسیکنڈ /کمبائنڈسالانہ امتحان2020ء سے متعلقہ ریگولر /پرائیویٹ امیدواران کے رولنمبرٹریسنگ کے لیے بورڈ ہذا کی ویب سائٹ www.bisedgkhan.edu.pkکے مین پیج پر سہولت فراہم کر دی گئی ہے جہاں پر طلبہ و طالبات فارم نمبر، گیارہویں جماعت کے رولنمبر یا پھر اپنے نام اور ولدیت درج کرکے 12ویں جماعت کا رولنمبر ٹریس کر سکتے ہیں واضح رہے کہ ریگولر امیدواران کو علیحدہ سے ادارہ جات کے اکاؤنٹ میں رول نمبر ٹریسنگ کی سہولت بھی دے دی گئی ہے نیز پرائیویٹ امیدواران کو ان کی جانب دئیے گئے موبائل نمبر ز پربذریعہ ایس ایم ایس آگاہ کر دیا ہے انہوں نے بتایا کہ کہ جیسے ہی حکومت اور PBCCکی جانب سے نتائج کی تاریخ کا تعین ہوگا اسی تاریخ کو نتائج کا اعلان کیا جائے گا۔ یہ بات انہوں نے اپنے آفس کی جانب سے جاری کردہ مراسلہ میں کہی۔