راولپنڈی ۔رمی چیف جنرل قمر جاوید باجوہ نے کہاہے کہ دنیا کو پیغام دینا چاہتاہوں کہ پاکستان ایک امن پسند ملک ہے ہم پر جنگ تھوپی گئی تو اینٹ کا جواب پتھر سے دیں گے،ہمیں جب بھی آزمایا گیا ہم سرخروہوئے ،بالاکوٹ کے ناکام حملے پر ہم نے اینٹ کا جواب پتھر سے دیا۔
آرمی چیف جنرل قمر جاوید باجوہ نے یوم دفاع پاکستان کے حوالے تقریب سے خطاب کرتے ہوئے کہاکہ 6ستمبر ہماری تاریخ کا لازوال دن ہے،6ستمبر کو بہادری کی لازوال داستانیں رقم ہوئیں،ہم نے کل بھی کئی گنا بڑے دشمن کو شکست دی تھی،ہم آج بھی دشمن کو شکست دینے کیلئے تیار ہیں۔
یوم دفاع پاکستان ،جی ایچ کیو راولپنڈی میں تقریب ،پاک فوج کے غازیوں اورشہدا کے لواحقین میں ایوارڈز تقسیم کئے گئے
جنرل قمر جاوید باجوہ نے کہاکہ شہدا کے اہل خانہ کو سلام پیش کرتا ہوں،شہدا کی قربانیوں کو کبھی نہیں بھولیں گے،شہدا ہمارے ہیروز ہیں،جو قومیں اپنے ہیروز کو بھولتی ہیں وہ مٹ جایا کرتی ہیں،آپ کے جذبہ ایثار کو سلام پیش کرتا ہوں،یقین دلاتا ہوں ہم آپ کے ساتھ ہیں اور رہیں گے ،یہ دن کارگل اور دہشت گردی کےخلاف شہدا کی یاد میں بھی منایا جاتا ہے۔
آرمی چیف نے کہاکہ اعزازات حاصل کرنے والوں کو مبارکباد پیش کرتاہوں ،آپ نے فرض کی ادائیگی کے دوران پیشہ وارانہ معیار کاثبوت دیا،ہم سب کو آپ پر ناز ہے ،آپ کو ملنے والے میڈلز ہم سب کیلئے باعث افتخار ہیں ۔جنرل باجوہ نے کہاکہ ہم نے آزادی حاصل کی جو ہمارے آج او رکل کی پہچان ہے،وطن کی آزادی اور سلامتی ہمارانصب العین ہے،پاک فوج کی پیشہ وارانہ صلاحیتوں کو پوری دنیا نے تسلیم کیا،پاکستانی قوم سے محبت ہمارے ایمان کا حصہ ہے،کوئی دشمن ہماری اس محبت کو شکست نہیں دے سکتا،پاکستانی قوم کی پاک افواج سے محبت لازوال ہے،قوم کااعتمادغیر متزلزل ہے ،میں قوم کے جذبوں کو سلام کرتا ہوں ۔
یوم دفاع پاکستان کے حوالے سے جی ایچ کیو راولپنڈی میں تقریب تقسیم اعزازات ہوئی،پاک فوج کے غازیوں اورشہدا کے لواحقین میں ایوارڈز تقسیم کئے گئے ،آرمی چیف جنرل قمر جاوید باجوہ تقریب میں شریک ہوئے۔
تقریب میں لیفٹیننٹ کرنل عدنان امیر خان ،لیفٹیننٹ کرنل حافظ عبدالمالک ،کیپٹن حیدر ایوب اور کیپٹن عرفان حسین کو تمغہ بسالت سے نوازاگیا۔
بریگیڈیئر ایوب حیدر ،صوبیدارخورشید احمد،نائب صوبیدار ارشادعلی کو تمغہ بسالت سے نوازاگیا،حوالدار نثار حسین ،حوالدار محمد یعقوب ،نائیک محمد عارف،لانس نائیک محمد کلیم ،سپاہی عبدالقدوس ،سپاہی محمد طیب کو تمغہ بسالت دیاگیا۔
یوم دفاع پاکستان ،جی ایچ کیو راولپنڈی میں تقریب ،پاک فوج کے غازیوں اورشہدا کے لواحقین میں ایوارڈز تقسیم کئے گئے
کیپٹن نوابزادہ جازب شہید کو تمغہ بسالت سے نوازگیا،کیپٹن نوابزادہ جازب شہید کا اعزاز ان کی والدہ نے وصول کیا،کیپٹن ضرغام فریدشہید کو تمغہ بسالت دیاگیا ،کیپٹن ضرغام فریدشہیدکااعزازان کی والدہ نے وصول کیا۔
صوبیدار طارق شہید کو تمغہ بسالت سے نوازاگیا،صوبیدار طارق شہید کا اعزاز ان کی اہلیہ نے وصول کیا،نائب صوبیدار گل شہادت شہید کو تمغہ بسالت سے نوازاگیا،نائب صوبیدار گل شہادت شہید کا اعزاز ان کی اہلیہ نے وصول کیا۔
حوالدار مشتاق احمد شہید کو تمغہ بسالت سے نوازاگیا،ان کا اعزازان کی اہلیہ نے وصول کیا،حوالدار افتخار احمد شہید،لانس نائیک مرزا محمد آصف شہیداورلانس نائیک جہانگیر بادشاہ شہید کو تمغہ بسالت سے نوازاگیا۔
