حقائق کاتعین کرنے کیلئے تمام ترتوانائیاں صرف کی جائیں۔رحمت اللہ خان نیازی آرپی اوڈیرہ غازیخان
آرپی او متاثرین کے گھر گئے اور غمزدہ خاندان سے اظہار تعزیت کیااورمرحومین کے ایصال ثواب کیلئے فاتحہ خوانی کی ۔
لیہ ( صبح پا کستان)زہریلی مٹھائی سے جاں بحق ہونے والے افرادکاالمیہ انتہائی دکھ بھرا،حقائق کاتعین کرنے کیلئے تمام ترتوانائیاں صرف کی جائیں۔آرپی اوڈیرہ غازیخان ۔وقوعہ کے روزسے ہی پولیس سرگرم عمل ہے ،وقوعہ کی تفتیش تمام پہلوؤں سے کی جارہی ہے۔ڈی پی او لیہ۔دفترپولیس میں آرپی او کی زیرصدارت اجلاس،اعلیٰ سطحی ٹیم تشکیل ۔تفصیلات کے مطابق زہریلی مٹھائی سے ہونے والی ہلاکتوں کے بارے میں اٹھائے گئے اقدامات کاجائزہ لینے کیلئے آرپی او ڈیرہ غازیخان رحمت اللہ خان نیازی کی زیرصدارت دفترپولیس میں اعلیٰ سطحی اجلاس ہوا جس میں ڈی پی او لیہ کیپٹن(ر)محمدعلی ضیاء،ایس پی آرآئی بی مہر محمد ناصر سیال ،ڈی ایس پی لیگل محمداصغر اولکھ ، ڈی ایس پی رمیض بخاری ودیگرپولیس افسران شریک ہوئے آرپی اوڈیرہ غازیخان نے کہا کہ زہریلی مٹھائی سے جاں بحق ہونے والے افراد کا المیہ انتہائی دکھ بھراواقعہ ہے جس کے حقائق کے تعین کے لئے تمام ترتوانائیاں صرف کرتے ہوئے ضروری اقدامات عمل میں لائے جائیں اور ملزمان کو کیفرکردارتک پہنچایا جائے ۔ ڈی پی او لیہ نے واقعے پر گہرے دکھ اور رنج کا اظہارکرتے ہوئے کہا کہ لواحقین کو فراہمی انصاف ہماراولین فریضہ ہے انھوں نے اب تک اٹھائے گئے اقدامات کے بارے میں تفصیلی بریفنگ دی انھوں نے کہا کہ وقوعہ کے روزسے ہی پولیس سرگرم عمل ہے مقدمہ کے اندراج سے ہی پولیس نے تفتیش کادائرہ کاروسیع کیاہواہے اورواقعے میں سازش سمیت تمام پہلوؤں کو مدنظررکھتے ہوئے تفتیش کی جارہی ہے انھوں نے کہا کہ مقدمہ میں نامزدملزمان کی گرفتاری کے ساتھ ساتھ دیگرمشکوک لوگوں کوبھی شامل تفتیش کیاجارہاہے اجلاس میں حقائق کے تعین اور تفتیشی مراحل کو تیزی سے آگے بڑھانے کیلئے اعلیٰ سطحی کمیٹی کاقیام عمل میں لایاگیا 7رکنی قائم کردہ کمیٹی میں ایس پی آرآئی بی مہرناصر سیال،ڈی ایس پی کروڑ سرکل محمد رمیض بخاری،ڈی ایس پی لیگل محمداصغر ،ایس ایچ اوتھانہ فتح پور انسپکٹر محمد وسیم اکبر ، ایس ایچ اوتھانہ سٹی انسپکٹرفرحت رسول،ایس ایچ او تھانہ کوٹ سلطان شاہدرضوان ،انچارج ہومیسائیڈیونٹ کروڑ سرکل محمدافضل ہوں گے جبکہ ڈی پی او لیہ براہ راست نگرانی کریں گے آرپی اوڈیرہ غازیخان نے پولیس کی اب تک کی کارکردگی پر اظہاراطمینان کرتے ہوئے کہا کہ اعلیٰ سطحی کمیٹی کے قیام سے استفادہ حاصل کرتے ہوئے تفتیشی مراحل کو سرعت سے مکمل کیاجائے اورذمہ داران کو انصاف کے کٹہرے میں لایاجائے بعدازاں آرپی او متاثرین کے گھر گئے اور غمزدہ خاندان سے اظہار تعزیت کیااورمرحومین کے ایصال ثواب کیلئے فاتحہ خوانی کی ۔
آر پی او ڈیرہ غازیخان رحمت اللہ خان نیازی نے لیہ میں زہریلی مٹھائی کھانے سے30افراد کے جاں بحق ہونے والوں سے تعزیت کرنے کے بعد میڈیا سے گفتگو کرتے ہوئے کہا کہ زہریلی مٹھائی کھانے سے اتنی بڑی تعداد میں لوگوں کا جاں بحق ہونا بہت بڑا سانحہ ہے ،مرحومین کے لواحقین کے دکھ درد میں ہم سب لوگ شامل ہیں اور ان کی درجات کی بلندی اور لواحقین کی صبر کیلئے دعا گو ہیں ،انہوں نے بتایا کہ پولیس اس واقع کی تفتیش تمام پہلوؤں کو مد نظر رکھ کر رہی ہے ،تفتیش کے مکمل ہونے کا کوئی ٹائم فریم نہیں دیا سکتا،لیکن اس بات کا یقین دلایا جا سکتا ہے کہ تفتیش میرٹ اور ایمانداری سے ہوگی،ڈی پی او لیہ کی سربراہی میں ایس رینج کرائم سین ڈی ایس پیز ،ایس ایچ اوز پر مشتمل ٹیم بنا د ی گئی ہے جو اپنا کام شروع کر چکی ہے اور بہت جلد اس سارے واقع کی تفتشی پہلو منظر عام پر لائے جائیں ،اس واقعہ میں ملوث کسی بھی ملزم کے ساتھ کسی قسم کی کوئی رعایت نہیں برتی جائے گی،ایک سوال کے جواب میں انہوں نے کہا کہ تفتیش لمحہ بہ لمحہ نئے نئے پہلوؤں کی وجہ سے تبدیل ہوتی رہتی ہے اور باآخر پایہ تکیمل پر پہنچ جاتی ہے۔
