لیہ۔کروڑ پولیس نے نقب زن گینگ کا اشتہاری سر غنہ خدا بخش گرفتار کر لیا، مال مسروقہ بر آمد

لیہ (صبح پا کستان)تھانہ کروڑ پولیس کی اہم کامیابی،نقب زن گینگ کا سر غنہ خدا بخش گرفتار،2مسروقہ پیٹر انجن،19تولہ مسروقہ زیور کی فروختہ رقم 9لاکھ سے زائد برآمد،اسلحہ ناجائز پسٹل بھی قبضہ پولیس میں،ملزم ایک مقدمہ میں اشتہاری بھی ہے۔
تفصیلات کے مطابق تھانہ کروڑ پولیس نے نقب زن گینگ کے خلاف کاروائی کرتے ہوئے بڑی کامیابی حاصل کی ہے،ایس ایچ او کلیم اللہ گاڈی کی سربراہی میں اے ایس آئی عطامیراں نے پولیس ٹیم کے ہمراہ کاروائی کرتے ہوئے نقب زن گینگ کے سرغنہ خدا بخش کو ٹریس آؤٹ کرکے گرفتار کر لیا،ملز م سے 19تولہ مسروقہ زیورات کی فروختہ رقم 9لاکھ 10روپے،2عدد مسروقہ پیٹر انجمن اور اسلحہ ناجائز پسٹل مع راؤند برآمد کر لیا،ملز م خدابخش اشتہاری بھی ہے جو تھانہ کروڑ میں درج مقدمہ میں پولیس کو مطلوب تھا،ایس ایچ او کلیم اللہ نے اس موقع پر گفتگو کرتے ہوئے کہا کہ ملزم نقب زنی کی متعدد وارداتوں میں ملوث رہا ہے،ملزم کو ٹریس آؤٹ کرنا اور گرفتاری ایک مشکل ٹاسک تھا جس کو کروڑ پولیس نے پیشہ ورانہ صلاحیتوں کو بروئے کار لاتے ہوئے ممکن بنایا،انہوں نے کہا کہ سرغنہ خدابخش کی گرفتار ی سے جرائم پیشہ عناصر کے مذموم عزائم کی حوصلہ شکنی ہو گی اور عوام الناس کو تحفظ ملے گا۔