پورا گھر قبرستان پہنچ گیا ہے ،پیسوں کا کیا کروں گا ؟
زہریلی مٹھا ئی کا شکار ہو نے والے ایک بیٹی اور 8 بیٹوں کے والد عمر حیات کا سوال
لیہ (صبح پا کستان) زہریلی مٹھائی کھانے سے ایک ہی خاندان کے 8بیٹوں ایک 1بیٹی کے جاں بحق ہونے والے والد عمر حیات نے نمائندہ سے گفتگو کرتے ہوئے کہا کہ پورا گھر قبرستان میں پہنچ گیا ہے پہلے دن سے آج تک زندہ لاش کی طرح بیٹھا ہوں دن رات کی نیند ختم ہو چکی ہے ایسا کبھی سوچا ہی نہ تھا کہ ایسا ظلم بھی ہو جائے گا حکومت کی طرف سے دیئے جانے والے پیسوں کا کیا کروں گا جب خاندان کا کوئی بھی زندہ نہ بچا ہے ،اس نے حکومت کے اعلیٰ ترین عہدیداران سے مطالبہ کیا ہے کہ سرکاری ہسپتالوں میں حکومت جو رقم خرچ کرتی ہے اس سے ہم غریب لوگ اس سے کوئی فائدہ نہیں اٹھا سکتے میرے متاثرہ اور جاں بحق ہونے والے بچوں کو سرکاری ایمبولینس بھی نہ دی گئی۔
