مظفر گڑھ { صبح پا کستان} پاکستان میں کورونا وائرس سے قیمتی جانوں کے ضیاع کا سلسلہ جاری ہے۔ موذی وبا نے ایک اور سینیئر ڈاکٹر کی جان لے لی۔
ٹیچنگ اسپتال ڈی جی خان کے ماہر امراض سینہ ڈاکٹر خالد مسعود قیصرانی مہلک وبا کورونا وائرس سے انتقال کر گئے۔
محکمہ صحت کے ترجمان نے بتایا ہے کہ ڈاکٹر خالد مسعود ٹیچنگ اسپتال ڈی جی خان میں چیسٹ اسپیشلسٹ تھے اور کورونا وائرس سے متاثر ہونے کی وجہ سے ڈاکٹر خالد مسعود 10 روز سے طیب اردگان اسپتال مظفرگڑھ میں زیر علاج تھے۔
مرحوم کی نماز جنازہ اور تدفین ان کے آبائی علاقہ تونسہ شریف میں ہوگی۔
