لیہ ( صبح پا کستان) لیہ پولیس کی احسن کاوش،گمشدہ کم سن بچے ملنے پر والدین کو تلاش کر کے ان کے حوالے کر دیا،والدین خوشی سے کھل اٹھے،خدمت خلق سے دلی مسرت ہوتی ہے،پولیس اہلکار
تفصیلات کے مطابق تھانہ فتح پور پولیس کو گھر سے لا پتہ ہونے والی مریم بی بی بعمر 3سال جبکہ صدر بازار لیہ سے ٹریفک پولیس کو کمسن بچہ ملا،پولیس نے فوری طور پر والدین کی تلاش کیلئے تگ و دو کی،نیک نیتی اور مخلصانہ کاوش کے نتیجے میں جلد ہی والدین کو تلاش کر لیا گیا،گمشدہ بچے اپنے سامنے پا کر والدین کے مرجھائے ہوئے چہرے خوشی سے کھل اٹھے اور وہ پولیس اہلکارا ن کو دل سے دعا دیتے ہوئے رخصت ہوئے،پولیس اہلکارا ن نے اس موقع پر گفتگو کرتے ہوئے کہا کہ خدمت خلق سے ان کو دلی مسرت ہو تی ہے۔
