ملتان ۔ پنجاب حکومت نے بلدیاتی اداروں کو فنڈ ریلیز کر دیئے

ملتان ۔ محکمہ خزانہ پنجاب نے پی ایف سی شیئر کی مد میں پنجاب بھر کی میٹرو پولیٹن، میونسپل کارپوریشن ،تحصیل کونسل اور میونسپل کمیٹیز کیلئے 2ارب 79کروڑ 96لاکھ 53ہزار 155روپے کے فنڈز جاری کردیئے ہیں۔ضلع کونسل ملتان کیلئے 2کروڑ 51لاکھ47ہزار روپے کے فنڈز جاری کئے گئے ہیں۔ شجاع آباد جلالپور پیروالا سمیت پنجاب بھر کی 182میونسپل کمیٹیز کیلئے 1ارب 40کروڑ99لاکھ 8ہزار 7 سو 48 روپے کے فنڈز جاری کئے گئے ہیں۔ میونسپل کمیٹی شجاع آباد اور جلالپور پیروالا کیلئے 1کروڑ 70لاکھ 50ہزار 8سو 48روپے سے زائد کے فنڈز جاری کئے گئے ہیں۔