انٹر نیشنل ارتھ ڈئے
ڈسٹرکٹ پبلک اسکول گرلز میں سیمینار کا انعقاد
: ماحولیاتی مسائل اور انسان کیوجہ سے ماحول کو درپیش خطرات کی نشاندہی اور تدارک کیلئے آگاہی کی ضرورت ہے ۔ڈاکٹر محمد تسلیم
زمین کے قدرتی حسن ، صفائی ،فطری ماحول اورحیات کی بقاء کے لیے ہر شہری اپنا کردار ادا کرئے ۔ عنایت بلوچ
گوبل وارمنگ کو کنٹرول کرنے کیلئے زیادہ سے زیادہ درخت لگائے جائیں ۔ پرنسپل میڈم طاہرہ
لیہ (صبح پا کستان )پوری دنیا کی طرح لیہ میں بھی :انٹر نیشنل ارتھ ڈئے کے حوالے سے مختلف تقریبات منعقد ہو ئیں ۔ تفصیلات کے مطا بق گذشتہ روز انٹر نیشنل ارتھ ڈئے کے سلسلہ میں ڈسٹرکٹ پبلک اسکول گرلز میں سیمینار کا انعقاد کیا گیا ، جس میں ریسکیورز ، طالبات اور اساتذہ نے شرکت کی ، سیمینار کا آغاز تلاوت سے کیا گیا ، اس موقع پر طالبات نے نعت اور ملی نغمے پیش کیے گئے ، ریسکیو سیفٹی آفیسر عنایت بلوچ نے خطاب کرتے ہوئے کہا کہ زمین کے قدرتی حسن ، صفائی ،فطری
ماحول اورحیات کی بقاء کے لیے ہر شہری اپنا کردار ادا کرئے،غیر ضروری بتیاں اور برقی آلات بند رکھنے چاہیے،پانی ایک نعمت ہے اس کا ضیاع نہیں کرنا چاہیے، انہوں نے مزید کہا کہ پونی تھین شاپنگ بیگ ہرگز استعمال نہ کریں اور کوڑا کرکٹ گلیوں بازاروں میں مت پھنکیں اور نہ اسے جلائیں۔
اس موقع پرپرنسپل طاہرہ صاحبہ نے کہاکہ گوبل وارمنگ کو کنٹرول کرنے کیلئے زیادہ سے زیادہ درخت لگائے جائیں اوراچھے کام میں بڑھ چڑھ کر حصہ لینا چاہیے ، ہمیں اپنی گاڑی کو فٹ رکھنا چاہیے تاکہ شور کی الودگی کا باعث نہ بنے ، اس موقع پر دیگر شرکا ء نے اس با ت پر زور دیا کہ پریشر ہارن ، کچرے کے ڈھیر ، سگریٹ نوشی اور پان کی پیک جگہ جگہ نہ پھینکی جائے۔ بعدازاں ریسکیوسیفٹی آفیسر نے اساتذہ اور طالبات کے ساتھ مل کر پودئے لگائے۔
: ماحولیاتی مسائل اور انسان کیوجہ سے ماحول کو درپیش خطرات کی نشاندہی اور تدارک کیلئے آگاہی کی ضرورت ہے ، اس زمین کے مہذب باسی اور دھرتی کا سپوت ہونے کے ناطے ہمارا ہر عمل زمین کو آلودگی سے پاک کرنے ، قدرتی ماحول کی بقاء، خوبصورتی ،شادابی ، ہریالی ، صفائی اور اس پر بسنے والی تمام مخلوقات کی بقاء اور تحفظ کیلئے انتہائی اہم ہے ، اس خیالات کا اظہار ڈاکٹر محمد تسلیم نے ارتھ ڈئے کے موقع پرریسکیورز سے خطاب کرتے ہوئے کہا ۔ انہوں نے مزید کہا کہ اپنے گھروں ، گلیوں ، فیکٹریوں اور اس سے ملحقہ قطحہ اراضی کو بھی صاف رکھیں ، کوڑا کرکٹ ہرگز نہ پھنکیں اور پولی تھین کے شاپنگ بیگ ہرگز استعمال نہ کریں۔ بعد ازاں ڈسٹرکٹ ایمرجنسی آفیسر اور ریسکیو سیفٹی آفیسر نے پودا لگا یا اور ریلی نکالی گئی ۔
یوم ارض کے حوالے سے ریسکیو 1122اور گورنمنٹ ماڈل ہائی اسکول بوائز کے زیر اہتمام سائیکل ریلی کا انعقادکیا گیا ۔ جس میں ریسکیورز ، اساتذہ اور طالبعلموں کی کثیر تعداد نے حصہ لیا، ریلی صبح 9بجے ماڈل ہائی اسکول سے نکالی گئی۔جس کی قیادت ریسکیو سیفٹی آفیسر عنایت بلوچ اور رانا نے کی ۔ اس موقع پر شرکاء نے بینرز ااُٹھا رکھے تھے ، جن پر ماں دھرتی کے تحفظ اور بقا ء کیلئے عملی اقدامات پر زور دیا گیا تھا۔ ریلی کے اختتام پر عنایت بلوچ نے یوم ارض پر روشنی ڈالتے ہوئے کہا کہ درخت ماحول کو خوبصورت بناتے ہیں اور آلودگی کے خاتمے میں اہم کردار ادا کرتے ہیں لہذا زیادہ سے زیادہ درخت لگائیں۔ اس موقع پر پولیس نے بھر پور سکیورٹی مہیا کی۔
