لیہ (صبح پا کستان) قدرتی آفت کورونا وائرس کی وجہ سے ملک بھر کی طرح ضلع لیہ میں بھی لاک ڈاؤن، کاروبارِ زندگی معطل، دیہاڑی دار طبقہ مشکلات کا شکار، الیکشن میں کروڑوں روپے خرچ کرنے والے عوامی نمائندگان حکومت کی طرح منظر سے غائب، غریب ووٹرز راہ تکنے لگے،
گذشتہ پانچ روز سے حکومتی اعلانات کے بعد ملک بھر کی طرح ضلع لیہ میں لاک ڈاؤن کی وجہ سے چھوٹی بڑی تمام مارکیٹیں،بسیں، ویگنیں، کنسٹرکشن کے کام مکمل طور پر بند ہیں جس کی وجہ سے دیہاڑی دار مزدور، سفید پوش طبقہ شدید معاشی مشکلات کا شکار ہوگیا، جبکہ ضلع لیہ میں کسی قسم کی حکومتی اداروں، مخیر حضرات کی طرف سے مالی امداد و اشیاء خوردونوش نہ ملنے کی وجہ سے غریبوں کا چولہا ٹھنڈا ہونے کے ساتھ ساتھ گھروں میں بیوی بچوں، بوڑھے والدین کو روٹی کھلانے کے لالے پڑ گئے، شہری الیکشن کے دوران دن رات آنے والے عوامی نمائندگان کی اب شدت سے راہیں دیکھ رہے ہیں کہ ابھی ہمارے ایم این اے،ایم پی اے، چیئرمین ضلع کونسل، چیئرمین میونسپل کمیٹیز، کونسلرز ہارنے اور جیتنے والے جنہوں نے اپنے الیکشنوں میں لاکھوں روپے سے لیکر کروڑوں روپے خرچ کرکے ووٹ حاصل کرنے کے بعد ایوانوں میں پہنچے، آج مصیبت کی گھڑی میں جس کی وجہ سے کہیں محنت مزدوری کیساتھ ساتھ کسی قسم کی کوئی مالی معاونت نہ ہے پورے منظر نامے سے کورونا وائرس کے جراثیم سے بچنے کا بہانہ بناکر عوام سے کوسوں دور عوامی نمائندگان چھپے بیٹھے ہیں، عوامی نمائندگان کے پاس الیکشن لڑنے کے دوران اپنے حلقہ میں ورکرز اور حواریوں کی ایک مکمل چین ہوتی ہے جو دن رات حلقہ کی عوام کے ساتھ مل کر ان کی الیکشن کمپین کو تیز تر کرتے ہیں آج جب عوام کو اپنے بیوی بچوں، والدین سمیت خود کو کھانے کے لالے پڑے ہوئے ہیں عوامی نمائندے اپنی دولت پر اژدھا سانپ بن کر بیٹھے ہوئے ہیں جو اپنی سیٹ کی جیت کو یقینی بنانے کیلئے ممبران و ووٹرز کی خریدوفروخت میں کروڑوں روپے ایک ہی رات میں خرچ کرنے سے دریغ نہیں کرتے آج وہی عوامی نمائندے مصیبت کی اس گھڑی میں اپنے حلقہ اور ووٹرز کو حکومت کی طرح بالکل تنہا چھوڑنے کی روش اپنائے ہوئے ہیں جو عوامی نمائندے دوران الیکشن عوام کے ہر دکھ سکھ،شادی غمی، جنازوں میں اگلی صفوں میں کھڑے ہوکر اپنی حاضری کو یقینی دکھانے کیلئے وقت سے پہلے پہنچ جاتے تھے آج ووٹرز کو بے یارومددگار چھوڑ دیا، ضلع بھر کے شہریوں نے تحریک انصاف کی حکومت،جیتنے والے ایم این ایز، ایم پی ایز، مسلم لیگ ن، پیپلزپارٹی، جماعت اسلامی، جمعیت علماء اسلام ودیگر سیاسی جماعتوں کے قائدین و امیدواران کو شرم دلاتے ہوئے کہا کہ مشکل کی اس گھڑی میں جہاں آپ تمام لوگوں کی حلقہ کی عوام ملک کی عوام صوبہ کی عوام کو ضرورت تھی آپ تمام لوگ اپنے گھروں میں چھپ کر بیٹھ کر ہم عوام کو کس قسم کا پیغام دینا چاہتے ہیں، حلقہ کے نوجوانوں نے اعلان کیا ہے کہ سوشل میڈیا پر ان عوام کا خون چوسنے اور عوامی نمائندگان کا راگ الاپنے والوں کے خلاف شرم دلاؤ مہم کا آغاز کررہے ہیں۔
