پاکستان میں کروناوائرس کے کیسزکی تعداد 16 ہوگئی،ڈاکٹرظفرمرزا

اسلام آباد(ڈیلی پاکستان آن لائن)وزیراعظم عمران خان کے معاون خصوصی برائے صحت ڈاکٹر ظفر مرزا نے کہاہے کہ پاکستان میں کروناوائرس کے کیسزکی تعداد 16 ہوگئی۔

نجی ٹی وی دنیا نیوز کے مطابق وزیراعظم کے معاون خصوصی برائے صحت ڈاکٹر ظفرمرزا نے کہاہے کہ پاکستان میں کروناوائرس کے کیسزکی تعداد 16 ہوگئی،ان کاکہناہے کہ کراچی میں کروناوائرس کے 9نئے کیسزسامنے آئے،تمام نئے کیسزپہلے سے کنفرم کیس سے رابطے میں رہنے والے لوگ ہیں،ڈاکٹر ظفرمرزا کا مزید کہناہے کہ مریضوں سے رابطے میں رہنے والے مزیدلوگوں کوٹریس کیاجارہاہے۔

واضح رہے کہ گزشتہ روز شہر قائد میں ایک ہی روز میں کرونا وائرس کے مزید 8 کیسز سامنے آگئے جس کے بعد شہر میں متاثرہ افراد کی تعداد 13 ہوگئی ہے۔