مقتول صحافی عزیز میمن سندھ کے حکمرانوں کو مجرم ٹھہرا کر گیا ،اتنی آسانی سے یہ لہو مٹے گا نہیں ،فواد چودھری

سلام آباد ۔ وفاقی وزیر فواد چودھری نے کہاہے کہ مقتول صحافی عزیز میمن کے بھائی سے بات ہوئی وہ تفتیش سے غیرمطمئن تھے،مقتول سندھ کے حکمرانوں کو مجرم ٹھہرا کر گیا ،اتنی آسانی سے یہ لہو مٹے گا نہیں ۔

وفاقی وزیر سائنس و ٹیکنالوجی فواد چودھری نے سماجی رابطے کی ویب سائٹ ٹوئٹر پر اپنے ٹویٹ میں کہاہے کہ مقتول صحافی عزیز میمن کے بھائی سے بات ہوئی وہ تفتیش سے غیرمطمئن تھے ،جب مبینہ قاتل خود تفتیش کے نگران ہوں تو انصاف کیسے ہو سکتا ہے ؟۔

فوادچودھری نے سندھ حکومت سے معاملے پر اپنی پوزیشن واضح کرنے کا مطالبہ کرتے ہوئے کہا کہ مقتول سندھ کے حکمرانوں کو مجرم ٹھہرا کر گیا ،اتنی آسانی سے یہ لہو مٹے گا نہیں ،قتل کے پس منظر حقائق کی روشنی میں سندھ پولیس اس کی تفتیش کر ہی نہیں سکتی ۔