لیہ ( صبح پا کستان ) ڈسٹرکٹ پولیس آفیسر لیہ عثمان اعجاز باجوہ نے کہا ہے کہ پو لیس افسران اور اہلکاران پیشہ ورانہ صلاحیتوں کو بروئے کا ر لاتے ہوئے خوش اخلاقی سے عوام کی خدمت کریں ،انصاف اور میرٹ کو یقینی بنائیں ۔
تفصیلا ت کے مطابق پیشہ ورانہ صلاحیتوں کو بروئے کا ر لاتے ہوئے خوش اخلاقی سے عوام کی خدمت کریں ،انصاف اور میرٹ کو یقینی بنائیں ،ڈسٹرکٹ پولیس آفیسر لیہ عثمان اعجاز باجوہ نے پولیس لائن میں جنرل پریڈ کے دوران آئی جی پنجاب کا پیغام افسران و اہلکاران کو پڑھ کر سنایا ،جنرل پریڈ میں ٹریفک پولیس ،ایلیٹ فورس ،بینڈ سٹاف کے علاوہ ضلعی پولیس کے افسران و ہلکاران نے حصہ لیا ،ڈی ایس پی کروڑ ملک لیاقت بھی ہمراہ تھے ، فورس کے دستے مارچ پاسٹ کا شاندار مظاہرہ کرتے ہوئے سٹیج کے سامنے سے ڈی پی او کو سلامی دیتے ہوئے گزے ،ڈی پی او نے اہلکاران کا ٹرن آءوٹ چیک کیا اور اس کے بعد پولیس گاڑیوں کی انسپکشن کی ،میس چیک اور ملازمین کے ساتھ کھانا کھایا ۔
