لیہ{صبح پا کستان}ضلعی پولیس کی جرائم پیشہ عناصر کے خلاف کاروائیوں کا سلسلہ جاری ،منشیات فروشی اور اسلحہ ناجائز کے مرتکب افراد گرفتار،شراب و پسٹل برآمد ،جرائم پیشہ عناصر کو کیفر کردار تک پہچائیں گے ۔ لیہ پو لیس کا عزم
تفصیلات کے مطابق لیہ پولیس کی معاشرے کو جرائم سے پا ک کرنے کےلئے جرائم پیشہ عناصر کے خلاف کاروائیوں کا سلسلہ جاری ہے ،ایس ایچ او پیر جگی عظمت اللہ کی سربراہی میں اے ایس آئی تنصر حمید نے منشیات فروشوں کے خلاف کاروائی کے دوران محمد عارف نامی شخص کے قبضہ سے 30لیٹر شراب برآمد کر کے ملزم کو گرفتار اور مقدمہ کا اندراج کیا ،تھانہ فتح پور کے اے ایس آئی مزمل حسین نے ملزم عمران کے قبضہ سے اسلحہ ناجائز پسٹل 30بور برآمد کیا جبکہ ایک اور کاروائی کے دوران تھانہ چوک اعظم کے سب انسپکٹر محمد اختر نے منشیات فروش دولت خان کے قبضہ سے 15بوتل شراب برآمد کر لی ،ملزمان کو گرفتار کرکے بند حوالات کیا جبکہ ان کے خلاف امتناع منشیات ایکٹ اور اسلحہ آرڈینینس کے تحت مقدمات کا اندراج کیا ،اس موقع پر پولیس افسران نے جرائم پیشہ عناصر کو کیفر کردار تک پہنچانے کا عزم کیا ۔
