لیہ ۔ مطالبات کے حق میںینگ ڈاکٹر ز ایسوسی ایشن کی احتجاجی ریلی

مطالبات کے حق میںینگ ڈاکٹر ز ایسوسی ایشن کی احتجاجی ریلی
لیہ(صبح پا کستان ) ینگ ڈاکٹر ز ایسوسی ایشن کی مطالبات کے حق میں احتجاجی ریلی کا انعقاد، سینئر ڈاکٹر ز نے بھی شرکت کر کے حمایت کا یقین دلا دیا ۔ گزشتہ روز پنجاب بھر کی طرح ڈسٹرکٹ ہیڈ کوارٹر ہسپتال لیہ کے ڈاکٹرز نے بھی مطالبات منظور نہ ہونے کے خلاف احتجاجی ریلی اور مظاہر ہ کیا۔ ینگ ڈاکٹرز کی احتجاجی ریلی ہسپتال سے شروع ہو کرہسپتال چوک تک پہنچ کر ختم ہو گی۔احتجاجی ریلی سے خطاب کرتے ہوئے ضلعی صدر ینگ ڈاکٹر زایسوسی ایشن ڈاکٹر مہر شاہد اقبال میلوانہ نے کہاکہ پنجاب حکومت وعدوں کے باوجود ینگ ڈاکٹرز کے سکیل میں اضافہ، مہنگائی کے تناسب سے تنخواہوں میں اضافہ ، اورنج ٹرین منصوبے کے لئے ادویات کے بجٹ میں کٹوتی سمیت دیگر مطالبا ت پورے نہ کئے گئے تو احتجاج جاری رہے گا۔ انہوں نے اعلان کیا کہ 21اپریل کو ینگ ڈاکٹرز بھر پور احتجاج کرینگے۔ ینگ ڈاکٹرز کے احتجاج میں سینئرز ڈاکٹر ظفر اقبال ملغانی ، ڈاکٹر گلزار صراطی، ڈاکٹر عبدالرشید بھٹی سمیت ینگ ڈاکٹر ایسوسی ایشن کے ڈاکٹر وقاص اچلانہ، ڈاکٹر محمد سہیل عباس سمیت ینگ ڈاکٹروں نے بڑی تعداد میں شرکت کی۔ ینگ ڈاکٹر ز کی ہٹرتال کے باعث آؤٹ ڈور اور ایمرجنسی میں جزوی بند رہنے سے مریضوں کو مشکلات کا سامنا رہا۔
رپورٹ ۔ مہر زاہد سرفراز واندر پریس رپورٹر