چو ک اعظم ۔ غیر قانونی پٹرول پمپ سیل ، سرکاری آفیسران با اثر مالکان کے خلاف قانونی کاروائی سے گریزاں

چو ک اعظم(محمد عمر شاکر سے )متنازعہ آراضی پر بلا سرکاری اجازت قائم غیر قانونی پٹرول پمپ سیل با اثر مالکا ن کے خلاف سرکاری آفیسران قانونی کاروائی سے گریزاں اعلی حکام سے نوٹس لیکر کاروائی کا مطالبہ

تفصیل کے مطابق ملتان لیہ روڈ بائی پاس پرچک نمبر 335ٹی ڈیء اے کی حدود میں گجر فلنگ اسٹیشن کے نام سے قائم متنازعہ آراضی پر بلا سرکاری اجازت قائم غیر قانونی پٹرول پمپ گزشتہ روز مقامی افراد نذیر حسین اور علی نواز کی ڈپٹی کمشنر لیہ کو دی گئی درخواست پر ڈپٹی کمشنر لیہ کے احکامات پر گزشتہ روز ڈسٹرکٹ آفیسر انڈسٹریز عبداللہ ہمبڑ اور دسٹرکٹ آفیسرسول ڈیفنس نے اپنی ٹیموں کے ہمراہ سیل کر دیا مگر با اثر فلنگ اسٹیشن مالکا ن کے خلاف سرکاری آفیسران انکے اثرورسوخ اور با اثر شخصیات کی پشت پناہی کے سبب قانونی کاروائی سے گریزاں ہیں جبکہ فلنگ اسٹیشن مالکان غیر قانونی طور پر قائم فلنگ اسٹیشن کو ڈی سیل کرانے کے لئے کوشاں ہیں نذیر حسین اور علی نواز سمیت عوام سماجی حلقوں نے ڈپٹی کمشنر لیہ سمیت اعلی حکام سے نوٹس لیکر با اثر افراد کے خلاف کابلا امتیاز کاروائی کا مطالبہ کیا ہے ۔