لیہ کروڑ روڈ پر جا بجے گڑھے عوام کے لئے وبال جاں بن گئے ، مر مت کرائی جائے ۔ ملک حسن علی سامٹیہ

لیہ(صبح پا کستان )سماجی کارکن ملک حسن علی سامٹیہ نے کہاکہ لیہ کروڑ شکستہ حالی کا شکار ہے ، جگہ جگہ گہرے گڑھے پڑجانے کی وجہ سے آئے روزحادثات معمول بن گئے ہیں ، جنوبی پنجاب سے خیبرپختونخواہ جاتے ہوئے ایک اہم قومی شاہراہ ہے ، انڈس ہائی وے کی خستہ حالی کی وجہ سے بھاری ٹریفک بطور متبادل راستہ استعمال کرتی ہے ، آمدہ گنا کے سیزن میں سڑک پر رش میں مزید اضافہ ہوجائے گا ، جس سے حادثات اور ٹریفک جام میں اضافہ ہونے کا خدشہ ہے ، حکومت وقت اور مقامی نمائندگان اسمبلی نے اس روڈ کو مکمل طور پر نظرانداز کیا ہوا ہے جس کی وجہ سے اہل علاقہ اور ٹریفک کو شدید مشکلات کا سامنا کرنا پڑتا ہے ، انہوں نے پنجاب حکومت سے مطالبہ کرتے ہوئے کہاکہ مذکورہ سڑک کی فوری تعمیر کی جائے ۔