شہزادہ ولیم اور کیٹ میڈلٹن کا دورہ پاکستان لیکن دونوں کی آپس میں پہلی ملاقات کہاں ہوئی تھی اور پھر بات شادی تک کیسے پہنچی؟ دلچسپ کہانی سامنے آگئی

لاہور ۔تحقیق سے پتہ لگتاہےکہ شہزادی کیٹ،ڈچزآف کیمبرج اپنے خاوندشہزادہ ولیم ڈیوک آف کیمبرج سےچھ ماہ اوربارہ دن بڑی ہیں۔ روزنامہ جنگ کی رپورٹ کے مطابق شہزادہ ولیم 21جون1982کو پیدا ہوئے تھے جبکہ ان کی اہلیہ کیٹ 9 جنوری 1982 کو دنیا میں آئیں۔ شہزادہ ولیم آرتھرفلپ لوئی کیتھرین الزبتھ میڈلٹن (المعروف کیٹ) سے سکاٹ لینڈ میں یونی ورسٹی آف سینٹ اینڈریو میں ملے تھے۔ کیتھرین نے 2005میں آرٹ ہسٹری میں ماسٹر آف آرٹس کی ڈگری حاصل کی جبکہ شہزادہ ولیم نے جیوگرافی میں ایم اے کے ساتھ گریجوایشن کی۔ برطانوی شاہی خاندان میں شہزادہ ولیم کے پاس ہی سب سے بڑی تعلیمی ڈگری ہے۔ شہزادہ ولیم سینڈہرسٹ ملٹری اکیڈمی گئے اورمزید شاہی فرائض حاصل کرنا شروع کیے تو کیتھرین نے کئی نوکریاں کیں ان میں جگسا کیلئے اسسٹنٹ ایکس سریزبائیراور اپنی فیملی کی پارٹی سپلائی کمپنی میسرز پارٹی پیسز کیلئے کام کیا اور وہیں سے رومانس شروع ہوا۔ ویسے پاکستان کے سب سے پہلے صدر اسکندر مرزا اور ان کے جانشین ایوب خان اور اس وقت کے پہلے ڈائریکٹر جنرل آئی ایس آئی میجرجنرل سید شاہدحامد سب سے نمایاں سینڈہرسٹ ملٹری اکیڈمی کےالومینا ئی ہیں، انھوں نے پاکستانی مسلح افواج میں بھی خدمات سرانجام دیں۔ ولیم اورکیٹ میں2007میں علیحدگی ہوئی۔ شہزادے نے مبینہ طورپر کیتھرین کو چھوڑ دیا تھا کیونکہ وہ شادی کیلئے تیار نہیں تھا اور شہزادہ چارلس اپنے بیٹے کی شادی اس طرح نہیں چاہتے تھےجس طرح انھوں نے شہزادی ڈیانا سے کی تھی۔ کچھ ماہ بعد شہزادہ ولیم اور کیتھرین دوبارہ اکٹھے ہوگئے۔ ولیم نے کیٹ کواپنی ماں شہزادی ڈیاناکی ہیرے کی انگوٹھی کےساتھ شادی کیلئے پرپوز کیا جو شہزادہ ہیری کو ان کی موت کے بعد ملی تھی۔ بھائیوں کے درمیان یہ طے پایاتھاکہ جس کی شادی پہلے ہوگی وہ انگوٹھی لے گا۔ اس وقت جوڑے کی رہائش گاہ لندن میں 22کمروں والا اپارٹمنٹ 1A جو کینسٹن پیلس میں واقع ہے۔ شاہی خاندان نے دسمبر2012میں اعلان کیاکہ کیتھرین حاملہ ہے۔ انھیں ”ہائیپر یمسزگریویڈ ایرم“ کےباعث ہسپتال داخل کرایاگیا، اس کے باعث صبح کے وقت متلی ہوتی ہے۔ کیٹ اس کے بعد بھی دو بارحاملہ ہوئیں اور انھیں یہ ہی بیماری لاحق ہوئی۔ ان کا شہزادہ جارج الیگزینڈرلوئی آف کیمبرج 22جولائی2013کو پیدا ہوا۔ شہزادہ ولیم مستقبل کے پہلے بادشاہ یاملکہ تھے جو ہسپتال میں پیداہوئے۔