دشمنی یا تخریب کاری ،نامعلوم افراد نے تاجرکی دوکان کو آگ لگا دی
کوٹ سلطان(صبح پا کستان) دشمنی یا تخریب کاری کا واقعہ، نامعلوم افراد نے تاجرکی دوکان کو آگ لگا دی، لاکھوں کا مال جل کر راکھ ہو گیا، تاجروں نے اپنی مدد آ پ کے تحت آگ پر قابو پالیا، تاجروں کی متاثرہ تاجر کی مدد کا مطالبہ۔ تفصیل کے مطابق انجمن تاجران مجلس عاملہ کے سپیکر شیخ وقار الحسن کی گارمنٹس دوکان کے سٹور میں آگ لگنے سے سٹور میں پڑا لاکھوں روپے کا سامان جل کر راکھ ہو گیا۔ شیخ وقار الحسن کے مطابق وہ جمعہ نماز کی ادائیگی کے بعد مسجد سے دوکان واپس آیا تو آگ لگ چکی تھی۔ آگ لگنے کے واقعہ کے بعد انجمن تاجران کے صدر محمد طارق بلوچ، انجمن تاجران تاجدا ر مدینہ گروپ کے صدر مولوی اللہ ڈتہ، جنرل سیکرٹر ی اللہ نواز خان سرگانی سمیت تاجروں کی بڑی تعداد موقع پر پہنچی اور متاثر ہ تاجر کے ساتھ اظہار یکجہتی کرتے ہوئے تاجرکی مالی امداد کا مطالبہ۔
معروف ماہر تعلیم میاں در محمد آرئیں گزشتہ روز وفات پا گئے
کوٹ سلطان(صبح پا کستان ) اسسٹنٹ پرچیز آفیسر سوئی گیس میاں فاروق عبداللہ آرئیں کے والد معروف ماہر تعلیم میاں در محمد آرئیں گزشتہ روز وفات پا گئے ۔ مرحوم کا نماز جنازہ خو اجہ غلام اللہ بخش سجادہ نشین تونسہ شریف نے پڑھایا جس میں برادرم ایم این اے پیر سید ذوالقر نین شاہ ، سردا ر سجن خان تنگوانی، اعجاز خان گرمانی، ڈاکٹر اقبال خان دستی ، میاں فرید آرائیں، میاں فیصل فرید ، میاں طارق محمود ، چیئر مین اللہ نواز خان گرمانی، اللہ نواز خان سرگانی، محمد اکرم خان دستی، حاجی خالد اقبال جام سمیت ہر مکتبہ فکر سے تعلق رکھنے والے افراد نے شرکت کی۔
رپورٹ ۔ ملک فہیم منجوٹھہ پریس رپورٹر
