لا ہور ۔سید منظور علی گیلانی پاکستان پیپلز موومنٹ (پی پی ایم ) کے چیئرمین منتخب

لاہور (صبح پا کستان ) پاکستان پیپلز موومنٹ (پی پی ایم ) میں شامل 16 سیاسی جماعتوں نے متفقہ طور پر سید منظور علی گیلانی کو چیئرمین منتخب کرلیا جبکہ سیکریٹری جنرل اظہر جمیل ہونگے ایک اعلامیہ کے مطابق پاکستان پیپلز موومنٹ میں شامل 16 سیاسی جماعتوں کے قائدین کا اہم اجلاس ایک مقامی ہوٹل میں ہوا جسکی صدارت ارشد علی انجم ایڈوکیٹ نے کی اجلاس میں متفقہ طور پر سید منظور علی گیلانی کو اتحاد کا چیئرمین منتخب کر لیا گیا جبکہ سیکریٹری جنرل اظہر جمیل ، چیف آرگنائزر میجر حبیب الرحمن میو ایڈوکیٹ، وائس چیئرمین سید نوبہار شاہ ، ایڈیشنل سیکرٹری جنرل سید ظہیر گیلانی اور سیکریٹری اطلاعات روحیل اکبر کو بھی متفقہ طور پر پی پی ایم میں ذمہ داریاں دیدی گئی اجلاس میں سیکرٹری جنرل اظہر جمیل کی قیادت میں ایک رابطہ کمیٹی بنائی گئی جو پاکستان پیپلز موومنٹ کے 14 نکاتی پروگرام کے حوالہ سے دیگر سیاسی جماعتوں، سیاسی گروپس، سیاسی شخصیات اور دانشور حضرات سے مذاکرات کے زریعے قومی اتفاق رائے پیدا کریگی