ڈیرہ غازی خان ۔ ُایم پی اے ڈاکٹر شاہینہ کی قیادت میں شہری کلمہ چوک پر کشمیریوں سے یکجہتی کا بھر پور اظہار کرنگے

ڈیرہ غازی خان (صبح پا کستان)ُایم پی اے ڈاکٹر شاہینہ کی قیادت میں شہری کلمہ چوک پر کشمیریوں سے یکجہتی کا بھر پور اظہار کرنگے پاکستان تحریک انصاف کی ایم پی اے ڈاکٹر شاہینہ نجیب کھوسہ نے کہا کہ پوری قوم کی طرح اہل ڈیرہ غازی خان بھی انشاء اللہ آج جمعۃ المبارک کو مظلوم کشمیریوں کے ساتھ بھرپور یکجہتی کا اظہار کریں گے وہ یوم یکجہتی کے حوالے سے منعقدہ میٹنگ میں گفتگو کر رہی تھی انہوں نے کہا کہ 80لاکھ انسان اور مسلمان تکلیف اور اذیت میں ہیں ہمارا بھر پور اظہار یکجہتی انکے زخموں پر مرحم انکا حوصلہ اور ہمت بنے گا نیز عالمی رائے عامہ کو کشمیریوں کے حق میں مضبوط کرنے کی وجہ بنے گا اور انڈیا کے ظلم کی کمر توڑے گا ڈاکٹر شاہینہ نے مزید کہا مظلوموں کے لیے باہر نکلنا اور وقت لگانا جہاد ہے سب کو اپنوں گھروں سے نکلنا چاہیے مرکزی اکٹھ کلمہ چوک صدر بازار میں ہوگا جو وہاں تک نہ پہنچ سکے وہ اپنے اپنے گھر کے باہر مین روڈ پر نکلیں انسانی ہاتھوں کی زنجیر بنائیں انڈیا اور مودی کے خلاف اور کشمیریوں کے حق میں پر جوش نعرہ بازی کریں ۔