ڈیرہ غازی خان ۔ فرید آباد کالونی سے ملحقہ آبادی میں سیوریج کا گندہ پانی جوہڑ کی شکل اختیار کر گیا

ڈیرہ غازی خان ( صبح پا کستان ) فرید آباد کالونی سے ملحقہ آبادی محلہ اکرام آباد رسول پورہ یو سی 10وارڈ نمبر3انتظامیہ اور میونسپل کارپوریشن کی عدم دلچسپی کے باعث سیوریج کا گندہ پانی جوہڑ کی شکل اختیار کر گیاہے علاقہ مکینوں خصوصاً نمازیوں کو مشکلات کا سامنا کرنا پڑ رہا ہے گندہ پانی گھروں میں داخل ہوکر موذی امراض کا سبب بن رہا ہے مکانوں کی بنیادیں کمزور ہونے کا بھی خدشہ ہے یہ بات یو سی10وارڈ نمبر3کے رہائشیوں ، عبدالغفار، مرزا محمد علیم ، مرزا سفیان ، راشد گلو، خالد لاشاری ، سید محمد زرشان شاہ ، نزاکت علی قریشی ، محمد علی المعروف مما، شاکر مغل نے پر امن احتجاج کرتے ہوئے بتایا کہ پورا وارڈ میں سیوریج کا گندہ پانی پھیلنے جریزہ بنا ہوا ہے عوامی نمائندے اور انتظامیہ بے تحاشہ لاءٹنگ پر تو اخراجات صرف کر رہی ہے لیکن بنیادی سہولیات فراہم کرنے سے قاصر ہیں انہوں نے میونسپل کارپوریشن انچارج، ڈپٹی کمشنر اور کمشنر سے پر زور مطالبہ کیا ہے کہ صورتحال کا نوٹس لیتے ہوئے یوسی10وارڈ نمبر3کی سیوریج بحال کرائی جائے تاکہ علاقہ مکین کو آمدورفت خصوصاً نمازیوں کو مسجد تک رسائی میں کسی قسم کی دشواری کا سامنا نہ کرنا پڑے ۔