لاہور: نیب نے مسلم لیگ کی نائب صدر مریم نواز کو گرفتار کرلیا۔
ذرائع کے مطابق مریم نواز سابق وزیراعظم نوازشریف سے ملاقات کے لیے کوٹ لکھپت جیل پہنچی تھی جہاں نیب ٹیم پہلے سے ہی موجود تھی اور مریم نواز کو وہاں پہنچنے پر گرفتار کرلیا۔
نیب ذرائع کا کہنا ہے کہ مریم نواز کو چوہدری شگر ملز کیس میں سوالنامہ بھیجا گیا تھا اور انہیں آج جواب دینے کے لیے طلب کیا گیا تھا تاہم مریم نواز نے نیب ٹیم کے سامنے پیش ہونے سے انکار کردیا تھا تاہم جیسے ہی نیب لاہور ٹیم کو اطلاع ملی کہ مریم نواز کی کوٹ لکھپت جیل جانے کی اطلاع ملی تو نیب لاہور کی ٹیم خواتین اہلکار کے ہمراہ کوٹ لکھپ جیل پہچے اور مریم نواز کو حراست میں لے لیا۔
دوسری جانب مریم نواز کی گرفتاری کی اطلاع ملتے ہی ایوان میں شیم شیم کے نعرے لگنے شروع ہوگئے اور مسلم لیگ (ن) کے ارکان کی جانب سے اسپیکر ڈیسک کا گھیراو کرکے شور شرابہ کیا گیا جب کہ چیئرمین پیپلزپارٹی بلاول بھٹو زرداری نے ایوان سے واک واٹ کردیا۔
