لیہ ( صبح پا کستان ) تھانہ کوٹ سلطان پولیس کا شراب فروشوں کے خلاف کاروائی ،190کپی شراب برآمد ،دو ملزمان گرفتار ،مقدمات درج ،مسلسل کاروائی سے منشیات فروشوں کے حوصلے پست اور عوام کو احساس تحفظ ملا ہے ،ایس ایچ او کوٹ سلطان
تفصیلات کے مطابق تھانہ کوٹ سلطان میں تعینات اے ایس آئی مزمل حسین نے منشیات فروشوں کے خلاف کاروائی کرتے ہوئے ملزم خضر عباس کے قبضہ سے 80کپی شراب برآمد کر لی جبکہ نا کہ بندی کے دوران ایک مشکو ک گاڑی کو روک کر چیک کرنے پراورنگزیب نامی شخص کے قبضہ سے 190کپی شراب برآمد ہوئی دونوں ملزمان کو گرفتار کر کے بند حوالات کیا گیا اور ان کے خلاف امتناع منشیات ایکٹ کے تحت مقدمات کا اندراج کیا گیا ،ایس ایچ او ملک یونس نے مزمل حسین کے ہمراہ تفصیلات بتلاتے ہوئے کہا کہ منشیات فروشوں کے خلاف کاروائی جاری ہیں جس کی وجہ سے منشیات فروشوں کے حوصلے پست اور عوام کو احساس تحفظ مل رہا ہے ۔
