لیہ ۔ کلرکوں کا مطالبات کے حق میں احتجاجی مظاہرہ

لیہ( صبح پا کستان ) ایپکا ضلع لیہ کی کال پر کلرکوں کا مطالبات کی منظوری کیلئے ڈسٹرکٹ پریس کلب کے باہر احتجاجی مظاہرہ و احتجاجی کیمپ،احتجاجی کیمپ سے خطاب کرتے ہوئے ضلعی صدر ایپکا رانا محمد افضل نے خطا ب کرتے ہوئے کہا کہ ایپکا کی طر سے مرکزی صدر حاجی محمد ارشاد کی طرف سے دیئے گئے چارٹر آف ڈیمانڈ پر مرکزی و صوبائی حکومتیں فوری عملدرآمد کریں ،ایپکا ملازمین کی تنخواہوں میں موجودہ مہنگائی کے تناسب سے اضافہ کیا جائے ،ہاءوس رینٹ موجودہ بیسک کے مطابق دیا جائے ،ملازم کی تنخواہ ایک تولہ سونا کے مساوی کی جائے،وزیر اعظم عمران خان نے کنٹینرز پر کھڑے ہوکر ہر طبقہ کو جقوق دلانے کی بات کی تھی اور ملک میں تبدیلی کی بات کرکے ملازمین سمیت پاکستانی عوام سے ووٹ لئے تھے ،آج ہمارا مطالبہ ہے کہ عمران خان نے اپوزیشن کے دور میں کی جانے والی اپنی تقاریر اور باتوں کو عملی جامع پہناتے ہوئے ایپکا ملازمین کو ان کے جائز حقوق دیں ،خود ساختہ مہنگائی کرنے والوں ،کرپشن کرنے والوں کے خلاف گھیرا تنگ کریں ،محکمہ انٹی کرپشن کے خود ساختہ منصوبوں کے تحت درج کی گئی ایف آئی آرز کا بھی محاسبہ کریں ،پری پلان درج ایف آئی آرز کی اعلیٰ سطحی تحقیقات کریں ،انہوں نے کہا کہ قائدین کی طرف سے دیئے جانے والے پروگرام کے مطابق ضلع لیہ کی کلرک برادری اپنے آئندہ کے لاءحہ عمل کا اعلان کرے گی اگر قائدین نے اسلام آباد ،لاہور یا اپنے اپنے ضلع کی سطح پر احتجاج کی کال دی تو اس کال پر بھر پور اقدامات کئے جائیں گے،ایپکا احتجاجی کیمپ سے جنرل سیکرٹری ایجوکیشن یونٹ شیخ صابر مصطفیٰ،ضلعی جنرل سیکرٹری محبوب حسین ساجد و یگر نے بھی خطاب کیا احتجاجی کیمپ میں ضلعی سنیئر نائب صدر دوئم محمد نواز خان، نائب صدر اول فرقان خورشید گجر، نائب صدر سید حسنین مقدس رضا، جنرل سیکرٹری محبوب حسین ساجد، ایڈیشنل جنر سیکرٹری محبوب حسین ثاقب، ڈپٹی جنرل سیکرٹری ملک شاہ نواز کھر، صدر ڈی سی آفس لیہ ملک محمد اکرم، جنرل سیکرٹری حاجی محمد صدیق، سینئر نائب صدر ایجوکیشن یونٹ لیہ جام اللہ نواز، جنرل سیکرٹری شیخ محمد صابر مصطفی، صدر انہار یونٹ لیہ ملک محمد اصغر جونی، جنرل سیکرٹری ملک منظور ایم اے، صدر ذراعت یونٹ لیہ قاضی محمد آصف، جنر ل سیکرٹری چوہدری زاہد الطاف، سنیئر نائب صدر ہیلتھ یونٹ لیہ مہر احسن علی، ڈپٹی جنرل سیکرٹری محمد عاصم، چوہدری یعقوب گجر ،توصیف احمد،سینئر نائب صدر ہائی وے لیہ مہر عدنان اور جنرل سیکرٹری مہر ذوالفقاراپنے اپنے یونٹ کے ساتھیوں کے ہمراہ دفاتر سے ریلیوں کی صورت میں آکر ڈسٹرکٹ پریس کلب کے سامنے احتجاجی کیمپ میں شرکت کی،کلرکوں کی ہڑتال کی وجہ سے ضلع بھر کے دفاتر کو تالے پڑے رہے اور دو دراز سے آنے والے سائلین کو شدید دشواری سامنا رہا ۔