لیہ ۔ انسپکٹر جنرل جیل خانہ جات پنجاب مر زا شاہد سلیم بیگ کا ڈسٹرکٹ جیل لیہ کا دورہ

لیہ( صبح پا کستان ) انسپکٹر جنرل جیل خانہ جات پنجاب مر زا شاہد سلیم بیگ نے ڈسٹرکٹ جیل لیہ کا اچانک دورہ کیا ۔ آئی جی جیل خانہ جات نے سیکورٹی انتظامات ،جیل کی تمام بارکس ،کھانے کے معیار،صفائی ،روشنی،طبی سہولیات کاجائزہ لیا اور قیدیوں سے مسائل دریافت کیے ۔ اچانک معائنہ پر ڈیوٹی روسٹر کے مطابق ڈیوٹی پر موجودہونے کی بناپر جیل افسران و اہلکاروں کو شاباش دی ۔ اس موقع پرسپرنٹنڈنٹ جیل محمد فیروز کلےار،ڈپٹی سپرنٹنڈنٹ رسول بخش کلاچی ، اسسٹنٹ سپرنٹنڈنٹس جیل عرفان علی چھینہ، آصف حسین اور عارف حبیب نے قیدیوں کی تعداد،بجٹ ،انتظامی امور،دستیاب و عدم دستیاب سہولیات ،درکار ترقیاتی پروگرام کے بارے میں آگاہ کیا ۔ جس پر آئی جی جیل خانہ جات نے تفصیلی رپورٹ بھیجوانے کی ہدایت کی ۔